Mas tumitindi ang mga aksyon at saya sa nalalapit na season finale ng high-rating action-comedy series ng GMA na Walang Matigas na Pulis sa Matinik na Misis.
Noong nakaraang episode, matatandaan na suspendido si Major Bartolome Reynaldo (Bong Revilla Jr.) mula sa kanyang trabaho matapos ma-frame-up at maakusahan na parte ng sindikatong Brainwash.
Nalaman ng pamilya ni Tolome ang nangyari sa kanya sa trabaho kaya naman dinamayan nila ito. Dinamayan din ni Elize (Max Collins) si Tolome matapos niyang malaman ang problema nito tungkol sa trabaho. Pero may iba palang pakay si Elize kay Tolome.
Bukod dito, nagkaroon ng alitan sa pagitan nina Bituka (Manolo Pedrosa) at Puso (Max Collins) nang malaman nito na nasaktan ng binata ang kanyang kapatid na si Sheena (Kate Valdez). Pinrotektahan kasi ni Sheena si Gary (Kelvin Miranda) sa away nito kay Bituka.
Samantala, nakilala ng mag-asawang Tolome at Gloria ang tumatakbong mayor na si Hugo Salazar. Labis ang paghanga ni Hugo kay Tolome dahil sa pagiging magaling na pulis nito. Inalok pa niya ito ng posisyon bilang kanyang head of security.
Sinabi naman ni Tolome na nais muna niyang makabalik sa serbisyo para malinis ang kanyang pangalan.
Balikan ang ilang highlights sa nakaraang episode ng Walang Matigas na Pulis sa Matinik na Misis sa gallery na ito.
Nasuspinde si Major Bartolome Reynaldo (Bong Revilla Jr.) sa kanyang trabaho sa kapulisan matapos ma-frame-up at maakusahang parte ng Brainwash Inc.
Nalaman ni Elize (Max Collins) ang nangyari kay Tolome sa trabaho kaya dinamayan niya ito. Nunit may iba palang pakay si Elize. Ipinagtapat ni Elize ang kanyang nararamdaman para kay Bartolome ngunit agad siyang ni-reject nito dahil sa kanyang pagmamahal sa pamilya at sa asawang si Gloria.
Nalaman ng pamilya ni Tolome ang nangyari sa kanya sa trabaho kaya dinamayan siya ng mga ito.
Aksidenteng nasaktan ni Nikko si Sheena (Kate Valdez) matapos protektahan ng dalaga si Gary (Kelvin Miranda) mula sa away ng dalawang binata.
Nagkaroon ng alitan sa pagitan nina Bituka (Manolo Pedrosa) at Puso (Max Collins) matapos malaman ng huli na nasaktan ng binata ang kanyang nakababatang kapatid na si Sheena.
Labis ang galit ni Gloria nang makita ang ginawang panloloko sa kanya nina Tolome at Elize, ngunit hindi pala ito totoo dahil napanaginipan lamang ito ng una.
Nakilala nina Bartolome at Gloria ang tumatakbong mayor na si Hugo Salazar (Michael V.). Humanga si Hugo kay Tolome dahil sa pagiging pulis nito at inalok pa ng posisyon bilang kanyang head of security, ngunit nais munang makabalik ng huli sa serbisyo upang malinis ang kanyang pangalan.
Napanood sa 11th episode ng Walang Matigas na Pulis sa Matinik na Misis sina Senator Ronald “Bato” Dela Rosa at Cong. Lani Mercado-Revilla.
Gumanap ang una bilang ang general ng kapulisan habang ang huli naman ay ang matinik na misis nito.
Subaybayan ang finale ng Walang Matigas na Pulis sa Matinik na Misis, Linggo, 7:15 p.m., sa GMA.