Zoren at Mavy Legaspi, humanga sa husay ni Carmina Villarroel sa 'Widows' Web'
Around GMA
Around GMA
Dennis Trillo amid AACA 2025 win for 'Green Bones': 'Importante, matuto 'yung mga tao sa kuwento' Son of viral PUJ driver hired by DPWH after passing board exam GMA Pinoy TV Supports OFW Empowerment at the 17th PHILSME Business ExpoArticle Inside Page
Showbiz News
Nagpahayag ng paghanga sina Zoren at Mavy Legaspi kay Carmina Villarroel dahil sa ipinakita niyang galing sa pag-arte, lalo na sa isang madamdaming episode ng 'Widows' Web.'
Humanga sina Kapuso actors Zoren Legaspi at Mavy Legaspi kay Carmina Villarroel dahil sa galing nito sa pag-arte sa GMA suspenserye na Widows' Web.
Ibinahagi ng batikang aktres sa Instagram ang kanyang matinding eksena sa kamakailan, kung saan mapapanood ang pagluluksa ng kanyang karakter na si Barbara Sagrado-Dee dahil binawian ng buhay ang nag-iisang anak nito na si Jed (Anjay Anson) sa ospital matapos mabaril ni William (Bernard Palanca).
Sa comments section, isang congratulatory message ang hatid ng Apoy sa Langit star, “Congrats honey!!!!” Humanga rin ang aktor sa kanyang asawa at nag-comment, “Ang lalim ng hugot “BRAVO.”
PHOTO COURTESY: mina_villarroel (IG)
Katulad ni Zoren, bilib din si Mavy sa angking talento ng kanyang ina sa pag-arte at nag-iwan ng comment, “Ang galing mo talaga ma! (crying emoji).”
PHOTO COURTESY: mina_villarroel (IG)
Sa katunayan, ang episode na ipinalabas noong April 26 ay naging trending topic pa sa Twitter Philippines at nakakuha pa ito 10.4 percent combined ratings, ayon sa NUTAM People Ratings.
Huwag palampasin ang huling linggo ng Widows' Web, Monday to Friday, 8:50 p.m., sa GMA Telebabad.
Samantala, alamin ang buhay at career ni Carmina Villarroel-Legaspi sa gallery na ito.
