Pilot episode ng 'Wish I May,' panalo sa ratings
Published On: January 20, 2016, 04:04 PM
Updated On: March 13, 2020, 11:27 PM
By MARAH RUIZ
Nagsimula na noong Lunes, January 18, ang pinakabagong GMA Afternoon Prime series na Wish I May.
Ayon sa National Urban Television Audience Measurement or NUTAM ng AGB Nielsen Philippines, nakakuha ng 6.2 na rating para sa kanyang timeslot. Mas mataas ito kumpara sa 5.0 na nakamit ng kasabay nitong palabas sa ibang network.
Pinagbibidahan nina Miguel Tanfelix ang Bianca Umali ang Wish I May. Kasama nila dito ang premyadong mga aktor tulad nina Camille Prats, Mark Anthony Fernandez, Alessandra de Rossi, Rochelle Pangilinan, Glydel Mercado at iba pa.
Tunghayan ang kakaibang kuwento nito, Lunes hanggang Biyernes, pagkatapos ng Eat Bulaga.