Around GMA

Article Inside Page

Makabuluhan ang ibinahaging paalala ng certified "raket queen" na si Boobay sa pagsalang niya sa session bilang resource person sa Your Honor nitong Sabado, January 25.

Dito tinalakay nina Boobay o Norman Balbuena sa totoong buhay kasama ang House of Honorables na sina Tuesday Vargas at Buboy Villar, ang kahalagahan ng work-life balance.

Ayon sa Kapuso ace comedian, pinapahalagahan na niya ngayon na magpahinga once in a while at hindi puro work.

“Very important 'yun. Dati hindi ko siya talaga ginagawa, pero ngayon napaka-importante na niya.

“Kahit mga konting pasyal lang to reward yourself, ginagawa ko na ngayon.”

Isa raw sa pinapasyalan ni Boobay ang Baguio.

Kuwento niya sa House of Honorables ng ginagawa niya sa summer capital ng bansa, “Gusto ko lang magikot-ikot, kasi ang lapit na lang four and half hours lalo na 'pag madaling araw. So, Maghapon ka na dun, kakain ka lang sa Session Road magikot-ikot. [Lumanghap] ng sariwang hangin, makakapag-reminisce nung mga ginawa mo nung time na 'yun dun.”

“Para sa akin napaka-importante nun, kailangan mo minsan ini-schedule mo minsan talaga. Sasabihin mo, eto kailangan ito by April dapat pupunta akong Thailand ganiyan, way of rewarding yourself na hindi mo ginawa before.

“'Di ba na ang maganda diyan, hindi siya late mo na-realize. So nagpapasalamat ka na alam mo 'yung dumating na 'yung point na kaya mo na, able ka na to reward yourself. ”

Source: Your Honor

Naging curious naman si Tuesday Vargas kung kailan nagsimula na i-prioritize rin ni Boobay ang kaniyang sarili at hindi lamang ang mga mahal niya sa buhay.

“Kailan nagsimula 'to na isinama mo na ang sarili mo sa bilang. Kasi, ito 'yung lagi nating sakit noh bilang breadwinner ng pamilya. Bilang panganay, inuuna natin 'yung mga nasa ibabaw ng listahan. Pero, wala tayo sa listahan mismo.” ani ni Madam Chair.

Sunod na tanong niya, “Kailan ka nagsimula na maging ganun 'yung mindset mo Norman [Balbuena]?

“Nung nag-start ako mag-Ate Vhi, Star for All Seizure” pabiro hirit ng Kapuso comedian.

Tinamaan ng mild stroke si Boobay noong 2016 at habang ini-interview sa Fast Talk with Boy Abunda noong August 2023 nang live ay nagkaroon siya ng absence seizure.

Sumunod na paliwanag niya, “Kasi 'yun din 'yung advice sa akin ng doctor ko kailangan daw. Kailangan, magkaroon ka ng mindset palagi na hindi ka nag-o-over think na once na nangyari 'yun at least magbakasyon ka. Punta ka sa isang lugar na hindi mo pa napupuntahan para ba makabalik sa sistema 'yung mga bagay-bagay.”

RELATED CONTENT: THE LIFE OF BOOBAY BEYOND SHOWBIZ