Kapuso executive Lilybeth Rasonable confident that 'Family History' can weather the challenges affecting Filipino movies

March 26 2019

By AEDRIANNE ACAR

Ngayon pa lang, marami nang nag-aabang sa pagbabalik-pinalakang tabing ng Kapuso comedy genius na si Michael V. Bukod sa pagiging pangunahing aktor, siya rin ang sumulat, direktor at producer ng bago niyang pelikulang Family History.

Ms. Lilybeth Rasonable

Sa isang panayam, ibinahagi ng GMA Senior Vice President for Entertainment Group na si Ms. Lilybeth G. Rasonable sa entertainment press ang pagsasama ng GMA Pictures at Mic Test Entertainment para sa nasabing pelikula. "Well si Michael V. siya talaga 'yung sa creatives, everything that has to do with creative siya 'yan. Kami we provide support in terms of production. It's a 50/50 partnership, mas more on the production side kami kasi 'yun naman din ang expertise namin, but everything is consulted with Bitoy,” sabi niya.

Nang tanungin kung bakit naisipan ng Kapuso Network na buhayin ang GMA Pictures sa gitna ng nanamlay na local movie industry, maagap siyang sumagot,  "Ayokong sabihing matamlay kasi may mga box office hits just a month ago or a few weeks ago. So I don't think it is matamlay, it really depends on what you put out there at kung magugustuhan siya ng tao, papasukin ang sinehan.” 

Sinegundahanan naman ito ni Michael V., "Well if you're thinking na matamlay, my reason is para hindi na siya masyado tumamlay. But if you're thinking na hindi ganun katamlay we are just here to join the fun."

Mic Test Entertainment inks co-production agreement with GMA Network