Padede mom Marian Rivera, todo-suporta sa breastfeeding advocacy

Wala raw balak si Primetime Queen Marian Rivera na itigil anytime soon ang pagbe-breastfeed sa kanyang four-month old baby na si Ziggy.

Sa kanyang Instagram post, inihayag ng proud "padede mom" ang kanyang pagsuporta sa eksklusibong pag-breastfeed sa isang sanggol mula sa pagsilang hanggang mag-anim na buwan.

"Nais kong ipakita ang suporta ko sa breastfeeding advocacy magmula noon hanggang ngayon. Bagamat nakapagsimula ako ng solids kay Ziggy sa mga nakaraang araw base sa payo ng aming pediatrician, wala akong plano na ihinto ang aking pagiging padedemom sa aking bunso. Batid ko ang kahalagahan ng eksklusibong pagpapasuso mula 0-6months."

Wala raw katumbas ang sustansiya ng gatas ng ina. —JST, GMA News