Komedyanteng si ‘Kuhol,’ pumanaw na

Pumanaw na ang komedyanteng si Doughlas Arthur Supnet, na mas kilala sa showbiz bilang si "Kuhol," sa edad na 66.

Ang kapatid ng komedyante na si Carol ang nag-anunsyo ng malungkot na balita sa post niya sa Facebook.

"Share your laughter in heaven, Manong Philip... We will miss you our 'little-big" brother... We love you..." saad ni Carol.

Nakilala si Kuhol sa kaniyang mga sidekick role sa pelikula at telebisyon noong 1990s at 2000s. Kabilang dito ang "Juan Tamad at Mr. Shooli: Mongolian Barbecue," "Juan & Ted: Wanted," at "Walang iwanan... Peksman!"

Nakaburol si Kuhol sa Ascension of Our Lord Parish sa Quezon City mula sa December 23 hanggang 26. – FRJ, GMA Integrated News