'Saving Cherry' cast, full force sa kanilang red carpet premiere; Kapuso personalities, nagpakita ng suporta

Full-force at all glammed up ang cast ng pelikulang “Saving Cherry” sa kanilang pagrampa sa red carpet premiere na ginanap kamakailan.

Sa ulat ng GTV News Balitanghali nitong Huwebes, sinabing present ang lead star na si Barbie Forteza at kaniyang barkada sa film na sina Mika Salamanca, Mikee Quintos, AC Bonifacio, at Sassa Girl.

Nandoon din sina Khalil Ramos at Kokoy De Santos.

Todo-suporta sa premiere night sina GMA Network Senior Vice President Atty. Annette Gozon-Valdes at Sparkle First Vice President Joy Marcelo.

Hindi rin pinalampas ng iba pang Sparkle Artists at dating PBB Housemates na mapanood ang pelikula.

Sinabi ni Barbie na ecstatic siya sa magandang feedback na natanggap ng Saving Cherry mula sa movie critics.

Very proud din si Barbie sa kanilang proyekto na bumuo ng magandang samahan sa set.

“I am just so proud of what we have made. Definitely, this is one I would treasure,” sabi ni Barbie.

“Sana mapasaya namin kayo, makalimot kayo sa realidad at sa totoong nangyayari sa ating bansa at mag-enjoy kayo,” dagdag niya. – Jamil Santos/FRJ, GMA News