Shuvee Etrata, enjoy sa kaniyang ika-25 kaarawan sa Amerika

Pretty in white si Shuvee Etrata sa pagdiriwang niya ng kaniyang ika-25 na kaarawan sa Amerika.

Sa kaniyang Instagram, na iniulat sa Unang Balita nitong Miyerkoles, makikita ang ilang larawan at video ni Shuvee na may background ng isang picturesque view.

Kasama rin sa post niya ang celebration kung saan niregaluhan siya ni Anthony Constantino ng mga bulaklak.

Sa kaniyang bagong post, makikitang nag-enjoy si Shuvee sa Disneyland kasama si Anthony.

Caption naman ni Anthony sa kaniyang Instagram, “Happy birthday to my favorite person.”

“Favorite ka diha,” tugon ni Shuvee. —Jamil Santos/VBL, GMA News