Sangkaterbang sibuyas na 'di maibenta at nasira, itinapon na lang

Ibinaon sa hukay ang sangkaterbang sibuyas matapos na hindi maibenta at masira na lang sa Sablayan, Occidental Mindoro.

Batay sa impormasyon ng GMA Regional TV, na iniulat sa Unang Balita nitong Huwebes, sinabi ng kumukha ng video na nasira ang mga sibuyas at kinain na ng uod.

Na-stock umano ang mga sibuyas matapos na hindi maibenta.

Kahit na ibinagsak na umano presyo ng mga sibuyas, kakaunti pa rin ang bumibili. – Jamil Santos/FRJ, GMA News