EXCLUSIVE: Ate Liza, ready na sa unli-chikahan at kakikayan kasama si Mama Emma sa 'Three Play'

July 04 2017

By AEDRIANNE ACAR

Girl power ang mapapakinggan niyo tuwing hapon sa number one FM station ng bansa na Barangay LS 97.1, dahil back-to-back na sa Three Play ang mga nag-gagandahan at magagaling na DJs na sina Mama Emma at Ate Liza.

Makakasama na ng mga Kabarangay si DJ Emma mula 3pm-5pm at susundan naman siya ni Ate Liza sa oras na 5pm-7pm.

Sa exclusive na interview ng GMANetwork.com kay Ate Liza, sinabi nito na looking forward siya sa tandem nila ni Mama Emma.

Paliwanag niya, “Mas masaya siya for me kasi 'di ba may time kami ni Emma, bago ako mag-programa, nagchi-chikahan kami on-air. ‘Yung banter namin, so siyempre bilang girls alam mo ‘yun, may pag-uusapan kayo na hindi namin masyado napagchi-chikahan ni Papa Obet kasi hindi siya makaka-relate 'di ba?”

Dagdag pa ni Ate Liza, “Pero hindi naman namin  gingawang exclusive na pang girls lang talaga ito. Yun lang, doon lumalabas ‘yung medyo pagka-kikay 'tsaka mayroon na kasi kami ding back-to-back noon na Saturday show. Although, hindi siya Three Play na back-to-back talaga, dun pa lang nae-enjoy na namin  ‘yung pag nagchichikahan nga kami during the transition. ‘Yun masaya, mas makulit ganun ‘yung feeling.”

Huwag din daw mag-alala ang mga Kabarangay, dahil kahit bago ang tandem nila ni Mama Emma tuwing hapon ay tuloy-tuloy ang tugstugan na minahal nila sa Three Play.

“Mae-expect nila na patuloy sila mage-enjoy… ‘Yung pagdating naman ng alas-singko ‘yung sa akin siyempre mae-expect nila na ‘yung mga sikat na mga dance songs na lagi nilang gustong pinakikinggan, ‘yung mga dance songs na nagpapa-LSS sa kanila. 'Yan maasahan nila ‘yan from 5pm-7pm, so hindi sila mabo-bore talaga. So, for every period of the afternoon mayroon silang mae-enjoy na tugstugan.”

More on BARANGAY LS:

WATCH: T.O.P. considers singing the 'Mulawin VS Ravena' theme song as a huge honor

EXCLUSIVE: Mama Emma, nalungkot sa pag-alis ng partner niya sa 'Talk To Papa'

Sino-sino ang mga bagong papa na makikipag-tugstugan sa 'Talk To Papa?'