Ali Sotto on Mike Enriquez: "Hindi mo matatawaran 'yung contribution ni Mike Enriquez"

December 11 2018

By AEDRIANNE ACAR

Ikinuwento ng award-winning radio anchor na si Ali Sotto na silang lahat sa GMA Radio ay nag-alala para sa Kapuso news pillar na si Mike Enriquez.

EXCLUSIVE: Papa Dudut, humanga sa professionalism ni Mike Enriquez

Matatandaan na sumailalalim si Enriquez sa heart bypass surgery noong Setyembre. Sa personal na panayam ng GMANetwork.com kay Ali sa isang shoot sa loob ng GMA Network compound, sinabi nito na napakalapit sa puso niya ang nag-iisang “Imbestigador ng Bayan.”

“Well you know for a longtime we were also like worried for him siyempre, napakalapit sa amin ni Mike Enriquez, more than ‘yung work relationship namin talaga namang makikita n’yo naman na talagang nagmamahalaan kami, na magkakaibigan kami dito sa Kapuso, Kapuso talaga!”

Malaking kawalan din daw si Mike Enriquez sa buong Super Radyo DZBB nang kinailangan muna niyang mag-leave sa trabaho para tutukan ang kaniyang kalusugan.

“So when he got sick we all willingly pitched in na nawala kasi siya, ang laking kawalan. Hindi biro ‘yung state of health niya that time.”

EXCLUSIVE: Ali Sotto, ibinahagi ang role na magkukumbinsi sa kaniya na bumalik sa pag-arte

Kaya ganun na lang din ang sobrang saya ni Ali Sotto na muli nilang nakapiling ang batikang newscaster sa radio booth ng DZBB.

Kuwento ni Ali, “We were worried and then we pitched in and we help where we could na of course ‘yung panalanganin namin. Hanggang sa naalpasan nga niya ‘yung challenge sa kaniyang kalusugan at ito sa kaniyang pagbabalik siyempre nagdiriwang din kami, kasi hindi mo matatawaran ‘yung contribution ni Mike Enriquez sa Kapuso Network.”