EXCLUSIVE: Eugene Domingo, priority raw ang pag-ibig

Hindi nag-atubiling aminin ni Eugene Domingo na sa ngayon ay ang pag-ibig ang kanyang priority.

Sa eksklusibong panayam ng GMANetwork.com, nagkuwento ang Celebrity Bluff at Dear Uge host tungkol sa kanyang love life. Si Eugene ay mahigit isang taon nang ka-relasyon ang Italianong si Danilo Bottoni. 

LOOK: Eugene Domingo spends quality time with beau Danilo Bottoni in Amsterdam

Aniya, “Sabi nila ‘yung long distance relationship daw parang may advantage at saka disadvantage. Advantage is parang lagi kayo excited when you see each other. ‘Yun din naman talaga ‘yung nararamdaman ko. Pero meron ding disadvantage. Minsan kasi ‘di ba parang miss na miss na miss mo na siya.”

Ngunit maging malapit o malayo ka man daw sa iyong minamahal, may iisang payo si Eugene.

Sambit niya, “But whether you are near or far from the person you really love, your forever, please communicate. Talk about anything. Just be crazy, just be creative kasi dapat hindi ka talaga mawalan ng gana for your forever, ‘di ba. Alagaan mo.”

“And sa buhay ko ngayon, priority ko talaga is to love. Love my love, love my work, love my co-actors, my friends, my family, and myself, and of course, love God,” patuloy niya.