2007 GMA series na 'Super Twins,' magkakaroon ng remake?

12 years na ang nakakalipas mula noong ipinalabas ang hit telefantasya ng GMA na Super Twins na pinagbidahan ng StarStruck batchmates na sina Jennylyn Mercado at Nadine Samonte.

Bilang pagbabalik-tanaw sa isa sa mga tumatak na serye ng Ultimate Star, ini-remake nila ito ng kanyang real-life bestie na si Nar Cabico para sa isang episode ng Love You Two.

Mula sa pose hanggang sa costume, gayang-gaya nila ang magkakambal na tagapagligtas na sina Super S at Super T.

Siyempre, hindi nila kinalimutang bigkasin ang sikat na mantra ng Super Twins na may mga linyang, "Kapangyarihan ng araw, taglay na liwanag, kambal na lakas...Kami ang Super Twins."

Abangan ang Super Twins moment nina Jennylyn at Nar ngayong linggo sa Love You Two, pagkatapos ng The Better Woman sa GMA Telebabad.

Tandem nina Jennylyn Mercado at Nar Cabico sa 'Love You Two,' kinaaaliwan!