EXCLUSIVE: Kyline Alcantara at Therese Malvar, dati nang magkaribal?

Magtatapat ang dalawa sa pinakamahusay na aktres sa henerasyon ngayon na sina Kyline Alcantara at Therese Malvar sa bagong aabangang Kapuso afternoon drama na Inagaw na Bituin. Totoo nga bang dati pa ay may namamagitang rivalry at kumpetisyon na sa kanila?

Sa magkahiwalay na exclusive interview ng GMANetwork.com, binalikan nina Kyline at Therese ang panahong pareho silang nag-audition para sa indie film ni Direk Sigrid Andrea Bernardo na Ang Huling Cha-cha ni Anita. Ang leading role na karakter ni Anita ay napunta kay Therese.

Sambit niya, “The story was we both auditioned for it and then, of course, they loved her acting. Kasi magaling na bata naman 'yun, bata pa lang magaling na umarte si Kyline. But then from the start kasi Direk Sig already wanted me for my rawness, kaya 'yung term niya lagi ay sumugal siya sa akin. Because even when people voted for Kyline to be Anita, the director itself, Direk Sigrid already wanted me even though I had no experience at all and I wasn't good at all nung time na 'yun. Kasi wala talaga, hindi ako marunong.”

Hindi naman bitter si Kyline na si Therese ang nakasungkit sa role.

Aniya, “Kaya siguro hindi ko pinili 'yun kasi nag-Annaliza ako. That was my very first teleserye in ABS. And sobrang deserved niya 'yung role na 'yun kasi she was so great there and ang daming napanalunan doon and ang dami niyang napatunayan doon internationally and locally here in the Philippines.”

Tulad ng tema sa kanilang upcoming drama na Inagaw na Bituin, tila itinadhanang laging magtapat sina Kyline at Therese ngunit paliwanag nila na sa totoong buhay ay walang namumuong kumpetisyon sa pagitan nilang dalawa.

Wika ni Therese, “I've always been auditioning and then 'yung huli lagi na pipilian is kami ni Kyline like in Hamog din as well. At least this time, we were able to work together talaga as a team at pang matagalan which is a teleserye.”

“Sanay naman kaming lahat mag-audition eh kaya walang tension. Happy talaga. Sobrang natutuwa ako kasi as she entered din here, happy ako na I'll be part and she'll be part of my journey, of our journey to blossom our careers. So happy ako na parehas kaming 'yun, magkasama sa teleserye na noong una pa lang, [Ang Huling] Cha-cha ni Anita pa lang ay nagkasama na kami,” patuloy din niya.

Sa pagsang-ayon ni Kyline sa kanyang co-star, ipinahayag din niya ang kanyang paghanga kay Therese.

Aniya, “Expected naman 'yun sa amin kasi of course like right now syempre ang daming lalabas na ganun but you know alam naman namin na we're both professionals and alam naman namin na kung hindi sa'yo, hindi sa'yo, kung alam na para sa'yo, para sa'yo. Ang dami namang chances, like different timings lang talaga siguro.”

“Masarap lang na I get to work with her and sobrang saya lang and I'm excited na makatrabaho ulit siya kasi nakatrabaho ko na siya sa isang indie film but hindi kami masyadong magka-eksena doon. Halata naman sa kanya na she's so professional sa craft niya,” dagdag din niya.