Bea Binene, mas piniling maging tahimik sa kanyang love life

"Masaya po ako."

Ito ang paulit-ulit na sagot ni Bea Binene tuwing kinukulit siya ng entertainment press tungkol sa kanyang love life sa press conference ng kanyang upcoming teleserye na Kapag Nahati Ang Puso.

IN PHOTOS: At the media conference of 'Kapag Nahati Ang Puso'

Hindi kinumpirma ng young actress kung manliligaw pa lamang o boyfriend na niya ang isang non-showbiz guy, pero na-meet na daw ito ng kanyang ina. Ngayon daw ay mas gusto niyang maging tahimik tungkol dito.

READ: Bea Binene says it's non-showbiz guy, not Alden Richards, that gave her flowers

"Ayoko na kasing magsabi regarding that, basta ang masasabi ko lang, masaya po ako. Nag-aaral ako, nagtayo po ako ng business, tapos career and everything, so I'm really happy and contented right now. 'Yung katawan ko na lang talaga (laughs). Mas maganda pala ang mas kaunti ang nakakaalam," saad niya.

Abangan si Bea Binene sa Kapag Nahati Ang Puso, kasama sina Sunshine Cruz, Benjamin Alves, Zoren Legaspi, Bing Loyzaga at David Licauco, ngayong July 16 bago ang Eat Bulaga.