Kim Domingo on why she's not doing sexy roles: 'I want something new'

Nagpaliwanag si Kapuso sweetheart Kim Domingo kung bakit umaayaw na siya ngayon sa mga sexy roles.

Sa isang post sa Instagram, sinabi ng Bubble Gang star na mahirap “gawin ang isang bagay na hindi bukal sa [kanyang] kalooban.”

“'Bakit hindi ka na nagpapasexy? Bakit hindi ka na tumatanggap ng daring roles? Ang arte arte mo eh dati ka naman nagpapakita ng katawan.' Ilan lang yan sa mga nabasa kong komento sa akin ng ibang tao lalo na nung mayroon akong tinaggihang show dahil sa daring role,” panimula ni Kim.

“Isa sa pinakamahirap gawin ay ang gawin mo ang isang bagay na hindi bukal sa inyong kalooban, yung wala na sa puso mong gawin, yung gagawin mo na lang dahil ayawa mong ma-disappoint ang mga taong nakapaligid sayo."

Dagdag ni Kim, nagpapasalamat siya sa mga tumulong sa kanya pero hindi na niya kayang gawin ang ginagawa niya dati.

“Isang taon na din ang nakakaraan nung mapagisip isip ko na I want something new, something na mas magiging masaya ako. Something na mas maipapakita ko kung anong kakayahan ko bilang artista.

“Nagsimula ako sa pasexy na image at roles hanggang sa dumating ang ibang roles gaya ng “Super Maam” na sobrang thankful ako dahil nabigyan ako ng pagkakataon na maipakita na kaya ko din gumawa ng action role.

“Ang sarap sa pakiramdam na pati mga bata iniidolo na ako ngayon. Kaya kung magpapasexy man ako, hindi na kagaya ng dati.

“Gusto ko mag-grow bilang artista at wala akong nakikitang masama sa desisyon kong ito,” pagtatapos niya.

Kasama si Kim sa eleksyon-serye na TODA One I Love kasama sina Kylie Padilla, Ruru Madrid, David Licauco, Jackie Rice, Victor Neri, Gladys Reyes, Kimpoy Feliciano at marami pang iba.

Panuorin ang TODA One I Love sa February 4 sa GMA Telebabad!