Napakaraming viewers at netizens ang nakakapansin na tila hindi kumukupas ang kagwapuhan ng ilang male celebrities na ngayon ay certified daddies na.
Kabilang na rito sina Dingdong Dantes, Dennis Trillo, at Ian Veneracion.
Sino-sino pa kaya ang kagaya nila?
Kilalanin ang ilan pang actors na napapagkamalan pa rin na binata sa gallery na ito.
Ang host ng GMA game show na 'Family Feud' na si Dingdong Dantes ang isa sa celebrity dads na napakarami pa ring tagahanga. Siya ay proud dad sa mga anak nila ni Marian Rivera na sina Zia at Sixto.
Makikita sa larawan na na-feature ang aktor na si Dennis Trillo sa isang magazine, kung saan tinawag siyang “Man of the Hour.”
Hanggang ngayon ay napakarami pa ring napapakilig ng 48-year-old actor na si Ian Veneracion.
Ang former stars ng 'Mga Lihim ni Urduja' na sina Pancho Magno, Kristoffer Martin, at Vin Abrenica ay proud dads sa kani-kanilang mga anak.
Ang 'The Missing Husband' lead actor na si Rocco Nacino ay nananatiling young looking.
Ang aktor na si Joross Gamboa ay kayang-kayang makipagsabayan sa mga celebrities na binata pa. Mapapanood si Joross ngayong taon sa upcoming mystery drama series na 'The Missing Husband.'
Ang 'The Seed of Love' actor na si Mike Tan ay isang sweet dad sa kanyang dalawang anak na sina Tori at Priscilla.
Mukha pa ring binata ang 30-year-old actor at celebrity dad na si Juancho Trivino.
Bukod sa pagiging isang ama, abala rin ang aktor na si Rodjun Cruz sa pagpapanatili ng kanyang fit at healthy body.
Si Billy Crawford ay isang cool dad sa kanyang anak na lalaki na si Amari.
Alam n'yo bang 45 years old na pala ang comedian-actor na si Archie Alemania?
Napakaraming manonood ang bumilib kay Archie nang maging guest star siya sa GMA's top-rating series na 'Abot-Kamay Na Pangarap.'
Hanggang ngayon ay marami pa ring humahanga sa good looks at matitinik na dance moves ni Mark Herras.