LOOK: Barbie Forteza at Jak Roberto, nagmadaling umuwi para makita ang isa't isa sa New Year
Published On: January 01, 2019, 12:24 PM
Updated On: January 01, 2019, 12:31 PM
Kahit sa pagsapit ng Bagong Taon, tuloy pa rin ang pagtatrabaho ng Kapuso stars na sina Barbie Forteza at Jak Roberto.
This 2019, magkahiwalay na sinalubong nina Barbie at Jak ang Bagong Taon dahil magkaiba ang nilahukan nilang New Year's Countdown events. Si Barbie ay nakisaya sa Philippine Arena, habang si Jak naman ay masayang nagtanghal sa Kapuso New Year's Countdown 2019.
Ayon sa Instagram post ng Kapuso actress, nagmadali raw silang umuwi pagkatapos ng kani-kanilang events upang makasama ang isa't-isa.
"Magkahiwalay man tayo nung maghiwalay ang taon, ang importante, parehas tayong nagmamadaling umuwi para makita ang isa't isa. New year. Same people. Same happy heart," kuwento ni Barbie.