Nadine Samonte gets ready to give birth; checks in at a hospital 

Naka-check in na sa isang ospital ang StarStruck Season 1 alumna na si Nadine Samonte para ipanganak ang kaniyang second baby.

Sa Instagram post ng kaniyang asawang si Richard Chua, makikitang kalmado ang lagay ng aktres at nagpakuha pa ng litrato kasama ang kaniyang mother-in-law at dating aktres na si Isabel Rivas.

"This is it! Early check in sa hospital in preparation for the arrival of the new king of the household tomorrow @nadinesamonte #babytitusiscoming," sulat ni Richard sa kaniyang caption.

Baby boy ang nakatakdang isilang ni Nadine at papangalan itong Austin Titus.

Hindi naging madali ang kaniyang pagbubuntis dahil isinugod siya sa ospital noong nakaraang buwan dahil sa early contractions dulot ng kaniyang autoimmune disease na Antiphospholipid Antibody Syndrome o APAS.

Pregnant Nadine Samonte rushed to the hospital because of contraction

Maaalala rin na naging maselan ang kaniyang unang pagbubuntis sa anak na si Heather Sloane, 2, nang dahil sa parehong sakit.