WATCH: Anak ni Jopay Paguia, sumayaw sa kantang pinauso ng SexBomb Girls

Like mother, like daughter! Tila susundan ni Isabelle Alessa Zamora, ang almost-two-year-old daughter nina Jopay Paguia at Joshua Zamora, ang yapak ng kanyang ina na original member ng SexBomb Girls.

Ilang nakakatuwang video ni Isabelle Alessa ang ibinahagi ni Jopay sa kanyang Instagram account.

Makikitang sumasayaw ang bata sa “Bakit Papa” isa sa signature songs ng SexBomb Girls. Sa isang video, nakasabay pa siya sa pagsigaw ng “Aww!”

Sambit ni Jopay tungkol sa kanyang anak, “The Next generation. Ninang @rocpangilinan & ninang @joycancio.ph pasado na ba ang batang ito? Nag sing & dance po sya. Get get Awwww.”

#GetGetAww: SexBomb dancers noon, certified mommies na ngayon

Aprub naman si Isabelle Alessa sa dating choreographer at talent manager ng SexBomb Girls na si Joy Cancio.

Aniya, “Galing mana sa magulang...kumekendeng na.... stage mom ka na Jopay!”