Anak ni Kylie Padilla na si Alas Joaquin, marunong nang magselos?

Natutuwa si Kylie Padilla dahil bukod sa magiging kuya na ang kanilang anak na si Alas, may isang katangian din itong kinagigiliwan nila ni Aljur Abrenica.

Sa isang post sa Instagram, sinabi ni Kylie na nararanasan na nila ngayon ang mga pinapanood lang nila dati noong ipinagbubuntis pa lang niya si Alas.

READ: Kylie Padilla, bakit nahihirapan paniwalaan na 2 years old lang si Alas?

"Naalala ko pa nung nanunuod pa kami ni Aj ng videos nung buntis pa ako, ng mga baby na nagseselos 'pag nag-ki-kiss ang mga magulang nila," sulat ni Kylie sa caption.

"Ngayon na-experience namin lalo kami na-in love sa pagiging magulang."

Dagdag ni Kylie, hindi pa rin sila makapaniwala na nagkaroon sila ng anak katulad ni Alas.

"Minsan 'pag nakahiga na kami at matutulog na, 'di kami makapaniwala na may bata nang natutulog sa gitna namin," kuwento niya.

"'Can you believe we made him?' Tinatanong ko s'ya palagi.

"Sagot lang nya, 'Oo, nakagawa tayo ng anghel.'"

IN PHOTOS: Kylie Padilla's classy maternity shoot for baby number two