Sophie Albert and Vin Abrenica showcase their DIY nursery for Baby Avianna

Ipinakita nina Sophie Albert at Vin Abrenica ang kanilang ginawang proseso para mabuo ang nursery ni Baby Avianna.

Ang do-it-yourself (DIY) nursery nina Sophie at Vin ay ginawa nila sa kanilang bagong bahay. Sa nakaraang vlog nina Sophie at Vin ay ipinakita nila na sila ay lumipat na sa kanilang bagong bahay at ang naging paghahanda nila para rito.

Saad ng new parents sa kanilang video, "We were finally able to make a space just for our little princess. It's not quite finished yet, but we are happy to share how we put the space together! Hope you guys enjoy!"

Sa video ay ipinakita nina Sophie at Vin ang ginawa nilang paglilinis at pag-decorate ng kuwarto ni Avianna. Sila rin mismo ang nag-set up ng crib at iba pang gamit ng kanilang anak.

Humanga naman ang ilang mga viewers sa kanilang ginawang paraan sa pagbuo ng nursery habang inaalagaan ang kanilang baby.

Ayon kay Soliel, "Your baby is so lucky to have you both for sure."

Saad ni Leona Manao sa comments section, "Napaka-hands-on nila😍 sobrang lucky naman ng baby Avianna na 'yan😍😍"

Hiling naman ni Jaz Picksyou ay marami pang family vlogs, "I super love this family..I hope they upload more often"

Tingnan ang naging proseso at ang naging outcome ng pagbuo ng nursery room nina Sophie at Vin para kay Avianna sa video:

Silipin naman ang cute na cute na photos ni Baby Avianna sa gallery na ito: