LJ Reyes, sa mabilis na paglaki nina Summer at Aki: 'Parang lumiliit ako or lumalaki lang sila'

Isa na namang masayang sandali ang ibinahagi ni LJ Reyes mula sa New York kasama ang mga anak na sina Ethan Akio at Summer Ayana.

Sa Instagram, kitang-kita ang saya ni LJ kasama ang dalawang anak sa pamamasyal. Ani pa ng aktres sa mabilis na paglaki nina Summer at Aki, "Parang lumiliit ako! Or lumalaki lang sila? 'Di ko sure!"

Maraming netizens ang natuwa sa post na ito ni LJ at ibinahagi ang kanilang suporta. Hindi rin nakapagpigil na magbigay ng komento sina Mars Pa More host Camille Prats at Kapuso actress Diva Montelaba.

"Feeling ko... lumiliit ka. Beautiful family mars," pagsuporta ni Camille na may kasamang heart emojis.

"Du'n tayo sa pangalawa. Hahahaha miss you!" dagdag naman ni Diva.

"So pretty LJ, cute Summer, and so pogi rin ni Aki kahit naka-mask," sulat ni @rosalnefalar.

"Beautiful fam!!! Miss you!" pagbabahagi ni @zarahlasac.

"Hmmm noon ka pa small! Hahahaha joke lang! Love you guys!" biro ni @alysssssatee.

"So much love in this photo," sabi ni @amariellarica.

Kasalukuyang nasa New York City si LJ kasama ang dalawang anak, matapos aminin ang paghihiwalay nila ng kanyang longtime partner na si Paolo Contis.

Samantala, tingnan ang masasayang sandali ni LJ Reyes kasama ang mga anak na sina Ethan Akio at Summer Ayana sa gallery na ito: