Kylie Padilla shares touching moment with sons while in quarantine

Kasalukuyang naghahanda si Kylie Padilla para sa bago niyang primetime series sa GMA, ang Bolera.

Sa Instagram, ibinahagi ng aktres na naka-quarantine na siya ngayon sa isang hotel para sa halos isang buwang lock-in taping.

Ganoon din katagal na hindi makakasama ni Kylie ang dalawa niyang anak na sina Alas Joaquin at Axl Romeo.

Habang naka-quarantine, ipinakita ni Kylie ang masayang pakikipag-usap niya sa mga anak.

"I'm okay na for the day. Us working moms just have to keep repeating our mantra to ourselves. All our sacrifices are for them. And repeat and repeat," aniya.

Dagdag ni Kylie, "My kids don't even know the strength they give me just when they smile."

Sa Bolera, bibigyang buhay ni Kylie ang karakter ni Joni, isang billiard prodigy na gagawin ang lahat para maiahon ang pamilya sa kahirapan at linisin ang pangalan ng namayapang ama.

Makakasama rin ni Kylie sa sports drama na ito sina Ricardo Cepeda, Jaclyn Jose, Joey Marquez, Gardo Versoza, Rayver Cruz, at Jak Roberto.

Samantala, tingnan ang femme looks ni Kylie Padilla sa gallery na ito: