LJ Reyes, may na-miss sa Pilipinas habang nasa amusement park sa Amerika

Masayang nag-bonding ang mag-iina na sina LJ Reyes, mga anak nitong sina Aki at Summer sa isang amusement park sa Amerika.

Sa Instagram, nag-post si LJ ng mga larawan ng mga anak habang nag-e-enjoy sa paglalaro.

Pero para kay LJ, gusto rin niyang ma-experience nina Aki at Summer ang saya ng paglalaro sa perya sa Pilipinas.

Aniya, "Nakakamiss din 'yung perya sa Pilipinas! Gusto ko rin ma-experience nila 'yun! Favorite ko 'yung may hinihila tapos kailangan mag-match 'yung colors ng blocks and 'yung nagbabato ng coins."

Sigurado naman si LJ na nag-enjoy ang kaniyang mga anak at magiging usual habit nila ang pagbisita sa amusement park.

"Oh well! I think this would be a usual hangout place with the warmer weather," ani LJ.

Setyembre noong nakaraang taon nang magdesisyon si LJ na manirahan na muna sa Amerika kasama ang kaniyang mga anak na sina Aki at Summer matapos ang kontrobersiyal na hiwalayan nila ng aktor na si Paolo Contis.

Samantala, silipin ang mga larawan ng masayang buhay nina LJ sa Amerika sa gallery na ito.