Around GMA

Article Inside Page

Nawili na nga ang mag-asawang sina Dennis Trillo at Jennlyn Mercado sa pag-post ng mga video online.

Naunang maging libangan ni Dennis ang TikTok at sumunod na rin si Jennylyn sa kaniyang mga yapak.

Sabi ng aktor, "Noong nagsimula ako mag-TikTok, okay ito ah, ang daming nanonood, ang daming natutuwa. So, nahikayat ko na rin 'yung asawa ko na gawin 'yun."

Ibinida niya na silang dalawa na ngayon ang nag-iisip ng mga content. Ikinuwento niya rin na ngayon ay mas madalas pa magpadala ng mga Reels na gagayahin para sa mga susunod nilang mga videos si Jennylyn.

"Natutuwa ako na may ka-partner na ako rito sa kalokohan ko," dagdag nito.

Nabanggit rin muli ni Dennis nang nahuli siya ni Jennlyn sa banyo na nagti-TikTok na kinaaliwan ng kanilang fans.

Pag-amin naman ni Dennis, "Wala na akong masyadong TikTok sa loob ng banyo dahil madalas, kasama ko na siya. Aprubado na sa asawa ko."

Kamakailan, naglabas naman si Jennylyn ng kaniyang BINI Lyn video kung saan ang aktres ay isinuot ang denim set ni BINI Mikha.

Ang aktres ay sumayaw ng "Salamin, Salamin" at nagpa-cute sa harap ng camera.

View this post on Instagram

A post shared by Jennylyn Mercado (@mercadojenny)

"Nagulat ako doon at nakakatawa at masaya rin ako na maraming natuwa sa ginawa niya na 'yun. Excited talaga ako sa mga susunod pa naming videos na maaari niyo pang mapanood," komento ni Dennis.

Dagdag nito sa kanilang mga taga-hanga, "Kaya abang-abang kayo diyan!"

Mapapanood naman si Dennis kasama si Ruru Madrid sa nalalapit na Metro Manila Film Festival (MMFF) sa kanyang entry na Green Bones.

MEANWHILE, TAKE A LOOK AT DENNIS TRILLO AND JENNYLYN MERCADO'S BEAUTIFUL RELATIONSHIP IN THIS GALLERY: