WATCH: Margielyn Didal, Daniel Ledermann naka-gold sa SEA Games 2019 skateboarding event 

Naiuwi ni Margielyn Didal ang gintong medalya nang mapataob niya ang kalaban at kapwa Pilipinong si Cristiana Means sa finals ng skateboarding competition sa Southeast Asian Games, kahapon, Disyembre 5.

'Tila laro lang ng magbarkada sa kalye ang naging gold match nina Margielyn at Cristiana.

Sa naganap na face-off, ang nanalo sa toss coin ang magdidikta ng mga moves or tricks na dapat gayahin ng katunggali. Salitang magse-skate ang mga kalahok at matatalo ang sesemplang o hindi makagagawa ng tricks.

Sa katapusan ng match, si Didal ang nakasungkit ng ginto at silver medal ang naiuwi ni Cristiana.

Samantala, wagi rin ng gold medal si Daniel Ledermann sa skateboarding men's division.

Nakatakda namang lumaban ang iba pang skaters sa street at park skate competition sa pagpapatuloy ng SEA Games 2019.

Panoorin ang buong ulat:

WATCH: James Deiparine quenches PH's decade-long gold medal drought

WATCH: Hidilyn Diaz wins gold medal in 2019 SEA Games weightlifting!