Athena Madrid, jojowain ba ang Kapuso hunk na si David Licauco?
Naglaro ang Kapuso beauty na si Athena Madrid ng nauusong "Jojowain O Totropahin" challenge sa kaniyang YouTube channel kasama ang pinsan niyang si Jannah Madrid.
Isa ang Kapuso hunk na si David Licauco sa heartthrobs na napasama sa listahan ng jojowain o totropahin ni Athena.
Ayon kay Athena, matagal niya na raw crush si David, lalo pa noong sumali siya sa StarStruck. Ngayong kaibigan na niya si David, nag-iba na ba ang tingin niya sa aktor?
"Dati crush ko si David. StarStruck days, lagi akong ini-interview, sino raw crush ko sa GMA, lagi kong sinasabi si David. Pero ngayon, kaibigan ko siya tapos best friend siya ni Kuya (Ruru Madrid), totropahin.
"Tingin ko sa kanya parang kapatid na kasi 'yun nga lagi niyang kasama si Kuya so parang kuya-kuya ko na rin siya."
Maliban kay David, totropahin niya rin daw sina Derrick Monasterio at Miguel Tanfelix dahil mga kuya na rin ang tingin niya rito.
Tanda pa nga ni Athena na madalas raw kasama ng kanyang kuya na si Ruru Madrid sina Derrick at Miguel sa kanilang bahay noon para maglaro ng basketball kaya parang kapatid na lang din sila para sa kaniya.
Sino naman kay ang mga jojowain ni Athena? Alamin sa kaniyang video below:
WATCH: Behind-the-scenes of Ruru Madrid and Athena Madrid's taping for 'Maynila'