Kilalanin ang ilan sa naging co-hosts ng dating Sunday noontime variety show sa GMA Network, ang 'GMA Supershow.'
Naging co-host ng 'GMA Supershow' si Jackie Lou Blanco mula 1979 hanggang 1997.
Halos dalawang dekada naging co-host ng 'GMA Supershow' si Dawn Zulueta.
Nanatili pa rin sa showbiz si Dawn kahit namaalam na sa ere ang 'GMA Supershow.' Mayroon na siyang dalawang anak sa asawang si Antonio Lagdameo, Jr.
Taong 1990 naman nagsimula maging 'GMA Supershow' co-host ni Maricel Laxa.
Bago nakilala bilang actress at singer, naging 'GMA Supershow' co-host muna si Mariz.
Naging leading lady si Mariz ni Ronnie Ricketts sa ilang pelikula nito, na kalaunan ay naging asawa niya. Sila ay biniyayaan ng dalawang anak na babae, sina Marella at Raechelle.
Nagbabalik showbiz si Mariz sa GMA AFternoon Prime na 'Apoy Sa Langit.'
Mula 1983 hanggang 1991 ay naging co-host ang beauty queen na naging singer-actress na si Rachel Anne Wolfe.
Tinalikuran ni Rachel Anne ang kaniyang showbiz career sa Pilipinas. Nakatira na siya ngayon sa New Jersey kasama ng kaniyang Italian-American husband at apat na anak.
Kasali rin sa mahabang listahan ng 'GMA Supershow' co-hosts si Concert Queen Pops Fernandez.
Huling napanood si Pops Fernandez sa GMA 7 sa 'The Clash.'
Naging co-host din ng 'GMA Supershow' ang aktres na si Arlene Muhlach.
Hanggang ngayon ay napapanood pa rin si Arlene sa telebisyon bilang cast ng ilang teleserye. Kasama ang aktres sa cast ng 'Mano Po Legacy: Her Big Boss.'
Ang singer at 'Bagets' star na si Raymond Lauchengco ay naging co-host din ng 'GMA Supershow.'
Active pa rin ngayon si Raymond sa industriya bilang isang singer, at paminsan-minsan ay lumalabas pa rin siya sa telebisyon. May dalawang anak na rin siya with his wife Mia.
Ang isa pang sikat na singer noong '90s na si Richard Reynoso ay naging co-host din.
Pinili ni Richard ang tahimik na buhay kasama ang kanyang asawa at mga anak, pero minsan ay tumatanggap din siya ng TV guestings.
Isa ring 'GMA Supershow' co-host ang OPM hitmaker na si Chad Borja.
Nagpahinga si Chad sa showbiz pagkatapos siyang ma-diagnose na may thyroid cancer noong 1998. After 15 years, naging cancer-free si Chad at binalikan ang kaniyang pagiging singer.