Marami ang nagulat nang ibalita ng beauty queen na si WinWyn Marquez na break na sila ng Kapuso actor na si Mark Herras. Paano ba nagsimula ang kanilang relasyon at bakit ito nagtapos? Balikan ang kanilang love story sa mga sweet couple photos na ito.
Unang nagkakilala sina Winwyn Marquez at Mark Herras sa set ng 'Party Pilipinas'. Sa kanilang YouTube vlog, inamin ni Winwyn na hindi niya type noon si Mark dahil mukhang mayabang daw ito.
Noong 2015, nagkatrabaho ang dalawa sa 'Little Nanay' kung saan nagsimula silang ma-link sa isa't isa.
Inamin ni Mark na isinilang noong 2013 ang unica hija niyang si Ada na anak niya sa dating personal assistant na si Diane Evangelista. Tanggap naman ito ni Winwyn, ani ni Winwyn sa isang 'Tunay na Buhay' interview, "Now that he has a daughter, I think she has changed him. It makes him more responsible."
Todo suporta lagi si Mark sa kaniyang beauty queen-girlfriend na nagwaging Reina Hispanoamericana 2017.
Isa sa mga hilig gawin ng dalawa ay kumain at manood ng movies.
Protective man ang ama ni Winwyn na si Joey Marquez at kapatid niyang si Vitto Marquez ay hindi naman nila tinutulan ang kalayaan ni Winwyn na makipag-relasyon kay Mark.
Kuwento ni Mark sa 'Chikaminute', si Winwyn daw ang nagsisilbing inspirasyon niya sa trabaho, “Si Wyn ang nagpu-push sa akin, lalo na sa mga mas magagandang bagay na puwedeng gawin. Siya ang tumutulong sa akin. Mas pinu-push niya ako to do the things na kailangan ko sa buhay.”
Mahilig din mag-travel ang dalawa sa iba't ibang beach locations at sa Japan.
Sabay na nagsumikap ang dalawa na maabot ang mga pangarap nila, sabi ni Mark sa 'Chikaminute', “Marami akong inayos sa buhay ko, for Wyn and also, magti-thirty na ako this year. Ayoko namang may masabi 'yung mga tao. Kapag tinignan niyo kasi si Wyn, matalino, nakapagtapos, ngayon ay nagma-Masters pa. Tapos may business rin. She's almost perfect. Ayokong masabi ng mga tao na hindi ako karapat-dapat kay Wyn.”
Noong 2018 ay napabalitang nagpa-plano na magpakasal ang dalawa na parehas nilang itinanggi. Noong 2017 pa inamin ng dalawa na napaguusapan na rin nila ang kasal.
Naging magkatrabaho ang dalawa sa 'Magpakailanman: Our Miracle Baby' episode.
Hindi raw naging isyu ang third party sa kanilang relasyon.
Nitong nakaraang pasko at New Year 2019 ay sweet pa ang dalawa sa kanilang Instagram posts.
Itinuturing ni Mark na reyna ng buhay niya si Winwyn na laging nagbibigay motivation sa kaniya, habang si Mark ang forever King of the Dancefloor at ng puso ni Winwyn.
Laking gulat ng lahat ng aminin ni Winwyn noong press con ng kaniyang upcoming film na 'Time & Again' na hiwalay na sila ni Mark. Ani ni Winwyn, magkaibigan pa rin daw sila at mutual decision ang kanilang breakup.