Si Basel Manadil, na mas kilala sa bansag na The Hungry Syrain Wanderer, ay isa sa pinakasikat na foreign vloggers sa bansa.
Ayon kay Basel nagsimula siyang kumuha ng videos ng kanyang pamamalagi rito sa Pilipinas para ipadala sa kanyang mga mahal sa buhay na nasa ibang bansa.
Kinalaunan ay tuluyan na siyang nag-vlog tungkol sa mga iba't ibang lugar sa Pilipinas na kanyang pinupuntahan at ipinapakita niya rin ang mga natututunan niya sa ating kultura.
Unti-unting dumami ang kanyang subscribers hanggang sa tuluyan na siyang naging isa sa mga YouTube millionaires sa Pilipinas.
May higit 4.79 million subscribers si Basel sa kanyang unang YouTube channel.
At kahit na nakilala siya sa bansag na The Hungry Syrian Wanderer, napatunayan ni Basel na siya ay tunay na may pusong Pinoy dahil sa napakaraming Pilipino na ang kanyang natulungan sa pamamagitan ng kanyang vlogs.
Sa katunayan, inanunsyo na kamakailan na opisyal na siyang isang Pilipino. Noong 2019 pa raw siya naging isang naturalized Filipino citizen, ngunit noong June 12, 2021, Araw ng Kalayaan, niya lang napili itong ikuwento.
Mas kilalanin pa ang jowable Adopted Son of the Philippines mula sa Syria, si Basel Manadil, a.k.a. The Hungry Syrian Wanderer, sa gallery na ito.
Si Basel Manadil, o mas kilala sa tawag na Hungry Syrian Wanderer, ay isang vlogger sa YouTube na madalas tumulong sa mga Pilipino at tinatawag ang sarili niyang Adopted Son of the Philippines. Mayroon na siyang 2.17 million subscribers sa kasalukuyan.
Binigyan din ng konting tulong ni Basel ang mga basurero sa Las Piñas, kung saan siya nakatira, dahil batid daw niya na mahirap ang kanilang trabaho at para sa kanya, sila ay mga frontliners din ng COVID-19 pandemic.
Umani ng papuri mula kay Megastar Sharon Cuneta ang ginawang pagtulong ni Basel at tinawag niya itong "my new adopted son."
Ayon kay Basel, siya ay mula sa pangatlong pinakamalaking siyudad sa Syria, ang Homs. Ngunit nang masira ang kanilang tahanan at magkagulo sa kanilang bansa dahil sa giyera, napilitan siyang mangibang bansa.
Lumipat sa Pilipinas si Basel noong 18 years old siya at nag-aral ng kolehiyo. Nagtapos siya ng kursong Engineering sa University of Perpetual Help.
Isa sa mga dahilan kung bakit kinagigiliwan si Basel ng kanyang mga subsrcibers at followers ay ang galling niyang magsalita ng Tagalog o Filipino. Minsan pa nga niyang inawit ang pambansang awit sa isa sa kanyang mga YouTube videos.
Ayon kay Basel, nahirapan daw siya maghanap ng trabaho sa Pilipinas pagtapos niyang makapagtapos sa kolehiyo.
Ito ang nag-udyok sa kanya upang magsimulang mag-vlog.
Kilala si Basel sa mga vlog niya kung saan siya'y tumutulong sa mga Pilipinong nangangailangan.
Ngunit kapag hindi siya tumutulong sa kapwa o gumagawa ng social experiments sa kanyang vlog, nag-eexplore din si Basel sa iba't ibang lugar sa Pilipinas.
Bukod sa sight-seeing, inaalam at isinasapuso rin ni Basel ang mga kaugalian at kultura ng mga Pilipino.
Minsan na ring sinubukan ni Basel mag-commute sa Maynila upang maintindihan ang dinaranas ng mga Pinoy commuters.
At, nakikibunyi rin si Basel kapag may mga magagandang pagbabagong nagaganap sa ating bansa.
Mahilig sa mga pusa si Basel at maging kanyang mga pets ay Pinoy na Pinoy din: mga rescued puspin.
Tatlo ang mga rescued puspin ni Basel, sina Maui Boy, Maki Boy, at Milky Boy. Galing sa salitang 'makina 'ang pangalan ni Maki Boy dahil natagpuan siya ni Basel sa makina ng kotse.
Isa sa most-viewed videos ni Basel ang pagtulong niya sa isang homeless na lalaking nagngangalang Agusto.
Dinala ni Basel sa isang supermarket si Agusto at ibinili ng mga pgakain at iba pang pangangailangan nito. Inabutan din niya ito ng tulong na pinansyal upang makabili ng gamot para sa kinakasama nitong may sakit.
Binigyan din ng makeover ni Basel si Kuya Agusto at isinama pa sa isang sosyal na restaurant upang maghapunan.
Matapos ang unang vlog ni Basel kasama si Kuya Agusto, nag-message sa kanya ang anak nitong babae na matagal nang nawalay sa kanya. Kaya naman ginawan ng paraan ni Basel upang magtagpo muli ang mag-ama.
Marami rin ang natuwa nang bigyan ng konting tulong ni Basel ang isang 68-year-old na gasoline boy na 47 years nang nagtatrabaho sa isang gas station. Binigyan niya ito ng groceries at 4,000 pesos para sa pagserbisyo nito sa kanyang kotse.
Minsan na ring dinala ni Basel sa isang sikat na fast food chain ang mga batang lansangan upang maranasan nilang kumain doon.
Dahil naawa si Basel sa mga nag-viral online na food delivery riders na napagtripan ng ilang customers o nakansela ang orders, naisip niyang umorder ng pagkain at sa halip na kunin ito ay ibinigay niya ito sa mga riders at hindi na niya kinuha ang sukli ng kanyang 500 pesos na bayad.
Namakyaw ng 1,000 kumot at tents si Basel para sa mga nasalanta noon ng lindol sa Mindanao.
Personal din nagdala ng relief goods at face masks si Basel sa mga naapektuhan ng pagsabog ng Bulkang Taal. Nagluto rin siya at nagdala ng pagkain sa ilang mga Taal evacuees.
Kilala rin bilang galante at mapagbigay na boss si Basel sa mga empleyado niya. At isa sa kanila ang nakatanggap ng kanyang dream bike bilang birthday gift.
Mayroon pa ngang dating OFW na empleyado si Basel na bingyan niya ng bahay para hindi na nito kailangan magtrabaho pa abroad.
Marami nang ginawang pagtulong si Basel ngayong panahon ng COVID-19 pandemic. Isa na rito ang pagluluto niya ng Pinakbet na ipinamigay niya sa ating mga kababayan.
Namahagi rin ng maraming gulay si Basel sa mga Pinoy dahil ayon sa kanya mas healthy raw itong kainin.
Noong panahon ng Ramadan, humingi ng tulong si Basel sa kanyang fellow Muslims sa Mindanao para sa kanyang espesyal na proyekto.
Sa tulong nila, nakapaghatid ng kaunting tulong si Basel sa mga pamilyang Muslim sa Mindanao ngayong panahon ng pandemya.
Batid ni Basel na maraming Pilipino ang nawalan ng kabuhayan ngayong panahon ng community quarantine.
Kaya naman minabuti niyang bigyan ng pansamantalang pagkakakitaan ang mga construction workers na nakatira malapit sa kanyang milk tea shop. Kinuha niya sila para tumulong sa renovation ng kanyang shop.
Noong naka-GCQ ang Metro Manila, namigay pa rin ng kaunting tulong si Basel sa mga taong nagbalik-trabaho.
May magandang sorpresa naman si Basel para kay Joe, ang loyal staff niya na binigyan niya ng dream bike kamakailan. Pinapili niya ito kung gusto niya ng kotse o cash.
Pinili muna ni Joe ang cash dahil 'di pa raw siya marunong mag-drive. Nilagay ni Basel sa isang malaking greeting card ang 20,000 cash na may kasamang touching at funny message.
Binigyan din ni Basel ng Mac Air laptop ang isa sa kanyang staff, na dati niyang kaklase noon. Isa raw itong reward dahil first anniversary nito bilang staff sa kanyang diner.
Plano ni Basel na tulungan ang mga estudyante at ang mga nais magsimula ng online business ngayong GCQ. Kaya naman tumingin na siya ng mga tablets at smartphones na maaari niyang i-donate.
Salamat sa lahat ng tulong na ibinigay mo sa mga Pilipino. At tunay ka ngang may pusong Pinoy, Basel.
Kamakailan ay nag-adopt ng aspin si Basel na may pangalang Luna.
Ikinuwento ni Basel noong Abril ng nakaraang taon na kinailangan niyang magpahinga sandali at tumigil sa pag-vlog ng isang linggo upang pangalagaan ang kanyang physical at mental health.
Malapit nang matapos ang dream house ni Basel at kamakailan ay nag-vlog na siya ng kanyang official kitchen tour.
Noong Araw ng Kalayaan ng 2021, inanunsyo ni Basel na isa na siyang naturalized Filipino citizen. Noong 2019 pa raw siya naging Filipino citizen ngunit ngayon lamang niya ibinahagi ito.