Sunud-sunod ang mga balita at kontrobersiya na lumalabas tungkol sa relasyon ng mga kilalang Youtube celebrity couple.
Ilan sa mga ito ay kasalukuyang sinusubok ang relasyon, ang iba naman ay nauwi na sa hiwalayan, at mayroon namang nagdesisyon na magkabalikan.
Ang celebrity couples na ito ay sina Jelai Andres at King Badger, Toni Fowler at Rob Moya, Zeinab Harake at Skusta Clee, at sina Camille Trinidad at Jayzam Manabat.
Sila ay ilan sa mga YouTube couples na naging matunog ang naging relasyon sa social media dahil sa mga ibinahagi nilang mga detalye sa estado ng kanilang relasyon.
Alamin ang kuwento ng mga couples at ex-couples na Youtube stars sa gallery na ito:
Naging Usap-usapan sa social media ang estado ng relasyon nina Camille Trinidad at Jayzam Manabat, na kilala rin bilang Jamill, dahil sa diumano'y third party.
Kumalat sa social media at nag-trend online ang larawan ng mga babae na diumano'y sangkot sa alegasyong pambabae ni Jayzam Manabat. Naglabas rin ng statement si Camille Trinidad at sinundan naman ito ng pag-amin ni Jayzam Manabat na nag-usap na sila ni Camille Trinidad. Wala pang kasunod na pahayag ang dalawa sa estado ng kanilang relasyon.
Ang mag-asawa na sina Jelai Andres at King Badger ay aminadong humarap sa pagsubok ang kanilang pagsasama.
Nito lamang Marso ay ilang mga pahayag ang binitawan ni Jelai Andres tungkol sa pangangaliwa at panloloko diumano ng kaniyang asawa. Sa huli ay nauwi rin sila sa hiwalayan.
Isa rin sa mga pinag-usapan online ay ang nangyari sa relasyon nina Rob Moya at Toni Fowler. Sila ay nakilala online bilang #ToRoFamily
Ilang mga balita ang lumabas sa paghihiwalay nina Rob Moya at Toni Fowler. Nagsalita rin si Toni Fowler sa isang emotional na YouTube video na mga nangyari sa kanilang relasyon kung bakit pinili nilang maghiwalay na lang.
Ilang ulit ring naharap sa pagsubok ang samahan nina Zeinab Harake at ang rapper na Skusta Clee
Pagkatapos ng ilang pagsubok sa kanilang relasyon, inamin ng dalawa na sila ay nagkaayos na at magkakaroon na ng anak. Ayon sa kanilang vlog kung saan ipinakita ang kanilang gender reveal party, sila ay biniyayaan ng baby girl.
April 13, 2022, ibinalita ni Zeinab Harake ang kanyang miscarriage sa dapat sana ay pangalawang anak nila ni Skusta Clee na si Baby Moon. Sa Instagram, ibinahagi ni Zeinab ang isang larawan kung saan kasama niya si Bia habang nakatingin sa mga labi ni Baby Moon.
Sa inilabas naman na YouTube video ni Toni Gonzaga sa kanyang channel na Toni Talks, ikinuwento ni Zeinab na hiwalay na sila ni Skusta.
Aniya, "Mula January alam niyang buntis ako, niloloko niya ako, kami ng anak [niya]."
Dagdag pa niya, "Hindi deserve ni Bia ng ganoong tatay kasi hindi ko mapapalaki yung anak ko nang ganun.
"Gusto ko lang maging okay kami ng anak ko, sisimulan ko sa sarili ko para makabawi rin ako kay Bia."