Matapos ianunsyo ng vlogger na si Cong Velasquez na umalis na sila sa Payamansion 2.0, ibinahagi naman ng kaniyang fiancée na si Viy Cortez ang isang vlog tungkol sa bago nilang bahay.
Nitong January 23, 2023, in-upload ni Viy ang isang house tour vlog upang ipasilip sa kanilang fans at subscribers ang pansamantala nilang tinitirahan, na magiging staff house sa tinatawag nilang Congpound [Cong + compound]. Katabi nito ay ang pinapagawa nilang bahay, na ayon kay Viy ay maaaring abutin ng isa't kalahati o dalawang taon.
Silipin ang pansamantalang tinutuluyan nina Cong at Viy sa gallery na ito:
Pagpasok sa bahay nina Cong Velasquez at Viy Cortez, makikita ang kanilang simple pero maaliwalas na receiving area.
Matatagpuan sa receiving area, ang YouTube play buttons nina Cong Velasquez at Viy Cortez.
Kasunod ng receiving area ay ang working area ni Cong Velasquez at ng kaniyang video editors.
Sa tabi ng working area, matatagpuan naman ang kitchen.
Ayon kay Viy Cortez, ilan sa mga bagay na matatagpuan sa kanilang dining area ay ang mga dati na nilang gamit mula sa Payamansion 2.0.
Ang maliit ngunit malinis na comfort room na ito ay malapit sa receiving area.
Viy Cortez (YouTube)Sa ikalawang palapag ng bahay nina Cong Velasquez at Viy Cortez, naglaan sila ng espasyo para sa play area ng kanilang baby na si Zeus Emmanuel, na kilala rin bilang si Baby Kidlat.
Pagpasok sa master's room, makikita ang kama nina Cong Velasquez at Viy Cortez na mula rin sa Payamansion 2.0.
Sa kwartong ito ay matatagpuan ang mga damit at ibang mga gamit ni baby Kidlat.
Makikita naman sa mini hallway na ito ang ilan sa family photos nina Cong Velasquez, Viy Cortez, at ang kanilang anak na si Kidlat.
Ang small terrace na ito ang isa sa mga paboritong lugar ni Viy Cortez sa bahay na pansamantala nilang tinutuluyan.
Sa house tour vlog ni Viy Cortez, ipinakita niya ang top view ng #Congpound, kung saan makikitang katabi lang ng kanilang bahay ang bahay ng kanilang mga kaibigan na miyembro rin ng Team Payaman.