Curious ka ba kung ano ang hitsura ng paborito mong artista noong highschool pa lang sila? Sa tulong ng artificial intelligence o AI, ilang celebrities ang nakisali sa latest AI 90's Yearbook trend sa social media.
Sa pamamagitan ng AI-generated pictures, ipinakita nila ang posibleng hitsura nila sa kanilang creative photos para sa high school yearbook.
Mula sa beauty queen na si Megan Young, Kapuso Soul Baladeer na si Garrett Bolden, at hanggang sa iba pang stars tulad nina Thia Thomalia at Mikael Daez, marami na ang sumabak sa bagong trend na ito.
Tingnan ang kanilang mga naging hitsura sa gallery na ito:
Isa ang dating beauty queen na si Megan Young sa mga unang sumabak sa AI Yearbook trend. Ayon sa post niya sa Instagram, dati pa namang curly ang buhok niya, gaya ng nasa picture. Samantala, nag-"yasssss" naman si Megan sa komentong "Goth Megan is a yes" sa kanyang post.
Mula sa pagiging long hair hanggang sa pagiging sporty naman ang naging AI yearbook photos ni Mikael Daez. Ang ilan pa sa mga pictures niya ay tila badboy na naka-leather jacket. Ngunit para sa aktor, parang hindi siya "type ni Koya AI" base sa mga pictures niya.
Ipinakilala naman ni Elle Villanueva ang sarili niya bilang highschool sweetheart sa kanyang AI yearbook photos. From pretty studious look papunta sa isa na tila kamukha ng suot ni Princess Sarah, talagang isang highschool sweetheart ang dating ni Elle.
Iba't ibang looks naman ang nakuha ni Derrick mula sa trend. Mula sa pagiging racer at rakista to football player at model student. Tanong niya sa nakararami, ano nga ba best look para sa kanya?
Mula sa pagiging prim and proper na princess ni Shuvee Etrata, naging feisty na boxer naman siya sa kanyang AI yearbook photos.
Studious student at cheerleader naman ang naging looks ni Maxine Medina sa kanyang AI yearbook photos. Sa kanyang Instagram post ay pinasalamatan pa niya si Thia Thomalla, na nagsabing ito ang "best grad pic" niya.
Parisian student o punk rocker? 'Yan ang ilan sa mga looks ni Thia Thomalla sa kanyang AI yearbook. Kahit karamihan sa pictures na na-generate ay good girl ang look niya, inamin ng aktres na pinakanagustuhan niya ay ang punk look.
Model student at music lover looks din ang kinalabasan ng AI generated photos ni Zonia Mejia.
"Rakistang sporty nerd" ang paghahalintulad ni Anthony Rosaldo sa mga AI yearbook photos niya.
Ang Kapuso Soul Balladeer na si Garret Bolden, naging rapper and esteemed scientist naman sa kanyang AI yearbook photos. Marami rin ang nagsabi na bagay sa kanya lahat ng looks na binigay ng AI program.
Mula sa pagiging racecar driver papunta sa isang ordinary student ang naging AI Yearbook photos ni Abdul Raman. Bukod pa dito ay meron din siyang rock star at nerdy looks.
Mula sa pagiging maskulado ay naging nerdy at studious si Eric "Eruption" Tai sa kanyang AI yearbook photos.
Hindi rin nagpahuli si Thea Tolentino sa AI 90s Yearbook trend. Ayon sa aktres, pinakamalapit sa itsura niya ang mga naging resulta ng naturang program.
Humabol din ang 'Royal Blood' star na si Rhian Ramos sa AI '90s Yearbook Trend nang magpost ito ng mga "pics from the yearbook I never had" sa kanyang Instagram.
Samantala, kasabay ng mga AI Yearbook photos niya ay nagbigay din ng graduation message ang aktres at host na si Alex Gonzaga. Caption niya sa kanyang AI Yearbook photos, "A simple and yet sweet girl with an extraordinary dream. 'I'll miss my pals and buddies. See you in LA holla.'"
Inamin naman ni Kryz Uy na dalawang beses niyang sinubukan ang AI '90s Yearbook program dahil na-enjoy nila ito ng husto ng kaniyang best friend.
Sinubukan na rin ng 'Black Rider' star na si Yassi Pressman ang AI '90s Yearbook trend ngunit ayon sa aktres ay hindi niya kamukha ang mga nasa litrato.
Ipinakita naman ni Miss Universe Philippines 2021 Beatrice Luigi ang kaibahan ng kaniyang AI generated High School photos at real-life photos sa kaniyang Instagram account.
Naglapag din ang aktres na si Gwen Zamora ng kaniyang AI Yearbook photos.
Nag-enjoy din ang aktres na si Sam Pinto sa AI Yearbook trend, at sinabi pang na-e-engganyo siyang sumubok ng iba't-ibang hairstyles dahil dito.
Hindi naman makapaniwala ang social media personality na si Bretman Rock sa kinalabasan ng kaniyang AI Yearbook photos. Caption niya sa kaniyang post, "Who are these people , like girl I can't believe I paid twice for this, Miss.AI can't comprehend my beauty I guess lol"
Tila back to school naman si Sarah Lahbati sa kanyang AI '90s Yearbook photos.
Iba't-ibang looks din ang nakuha ng aktres na si Sofia Andres nang subukan niya ang AI Yearbook trend.
Aminado naman ang aktres na si Kylie Verzosa na sa dami ng pinagdaanan niyang phases noong highschool, masasabi niyang nerd siya noon.
Ipinakita rin ng Korean Pop star na si Sandara Park o Dara kung ano ang maaaring naging istura niya noong high school sa AI Yearbook trend.
Nakisali na rin sa AI '90s Yearbook trend ang aktor na si Mavy Legaspi at sa caption ng kaniyang photos, sinabi niyang isa siyang "90s kid in another lifetime."
Pumasok na rin sa sarili niyang "'90s AI multiverse" ang aktres na si Kate Valdez at ilan sa mga netizens ay hinalintulad siya sa Filipino-American singer na si Olivia Rodrigo.