Vic Sotto at Aiai Delas Alas, may ibinuking tungkol kina Alden Richards at Maine Mendoza

By CHERRY SUN

Sa esklusibong panayam ni Lhar Santiago kina Vic Sotto at Aiai delas Alas sa Unang Hirit ay ibinuking ng dalawang batikang komedyante ang relasyon nina Alden Richards at Maine Mendoza sa likod ng camera.

Paglarawan ni Aiai, “Meron silang sariling language nila. Minsan hindi ko rin kasi naiintindihan ‘yung iba nilang mga signs, mga senyas, tapos tatawa lang sila.”

“Alden and Maine are becoming good friends. More comfortable with each other. Kung ano man ang mangyayari in the future, sama-sama tayong mag-abang,” dagdag naman ni Bossing.

Maaari kayang umasa ang AlDub Nation na matuloy sa totohanang pag-iibigan ang relasyon nina Alden at Maine ngayon?

“Ako naman tingin ko sila lang naman makakaalam nun. Meron kasi tayong mga ibang bagay na hindi naman natin saklaw,” sambit ng Philippine Queen of Comedy.

Palagay naman ni Vic, “It’s really up to them kung saan hahantong ‘yung kanilang relationship on screen and off screen.”

“One thing’s for sure, ‘yung kanilang friendship eh maganda ang development,” dugtong din niya.