Kris Aquino, nagbigay ng mini tour sa yacht ni Willie Revillame

Ipinasilip ni Queen of All Media Kris Aquino sa isang mini tour ang yacht na pag-aari ng kaibigan niyang si Wowowin host Willie Revillame.

Pansamantala kasing tumuloy si Kris, kasama ang kanyang mga anak na sina Josh at Bimby, beach property ni Willie.

Lubos naman ang hospitality na ipinakita ni Willie at pati ang yacht niya ay ipinahiram din sa kaibigan.

Personal pang inasikaso ni Willie si Kris, Josh, at Bimby. Ipinaayos niya ang banyo at nagpadala pa ng tubig at kape sa tutuluyan ng tatlo.

Panoorin ang mini tour ni Kris sa yacht ni Willie.

Maaalalang nasa Boracay si Kris nang ipasundo ni Willie via helicopter para pansamantalang tumuloy sa beach resort na ipinapatayo niya.

Mamamalagi muna sina Kris dito habang nasa ilalim ng enhanced community quarantine ang Luzon.