Kim Rodriguez, kumasa sa 'Manok na Pula' dance challenge

Kumasa na rin si Kapuso actress Kim Rodriguez sa "Manok na Pula" dance challenge.

Sa Wish Ko Lang Facebook page, makikitang todo sa paghataw si Kim sa kanyang sariling bersyon ng dance craze.

Habang isinusulat ang istoryang ito, mayroon nang mahigit 288,000 views ang "Manok na Pula" dance video ng aktres.

Ngayong Sabado, bibigyang buhay ni Kim ang nakabibighaning karakter ni Charisse sa "Sabong" episode ng Wish Ko Lang.

Tampok sa episode na ito ang misteryosong kuwento ng mga nawawalang sabungero simula pa noong Enero.

Makakasama rin ni Kim sa "Sabong" episode sina Andrea Torres, Tom Rodriguez, Angela Alarcon, at Marcus Madrigal.

Abangan si Kim sa Wish Ko Lang ngayong Sabado, February 12, alas-kuwatro ng hapon sa GMA.

Samantala, tingnan ang outdoor sports na kinahihiligan ni Kim Rodriguez sa gallery na ito: