Carla Abellana, ipinapatayo na ang kanyang dream house

Moving forward ang mantra ngayon ng Kapuso actress na si Carla Abellana na solong rumampa sa red carpet ng pinaguusapang GMA Thanksgiving Gala kamakailan.

Mag-isa man na dumalo sa event ay umangat pa rin ang ganda ng aktres suot ang isang makinang na black and white fitted gown na idinisenyo ng renowned fashion designer na si Michael Cinco.

Sa panayam sa kanya ng GMA showbiz correspondent na si Nelson Canlas sa nasabing event, ibinahagi ni Carla ang kanyang kasalukuyang pinagkakaabalahan matapos ang mga pinagdaanang isyu gaya ng naging hiwalayan nila ng dating asawa at aktor na si Tom Rodriguez.

Ayon sa aktres, naka-focus ang kanyang atensyon ngayon sa kanyang pamilya at sa pagpapatayo ng kanyang sariling bahay.

Kuwento niya, “I am building my house, my dream house, what else, spending more time with my family medyo doon ako hindi lang preoccupied pero talagang doon ako busy [ngayon].”

Mapapanood naman si Carla bilang si Mary Ann Armstrong sa GMA live adaptation ng Japanese anime series na Voltes V: Legacy.

SAMANTALA, TINGNAN ANG ILAN PA SA MGA STUNNING PHOTO NI CARLA ABELLANA SA GALLERY NA ITO: