Pagkatapos ng 19 years ay naghiwalay na ang celebrity couple na sina Romnick Sarmenta at Harlene Bautista. Muli nating balikan ang kanilang love story na kinalaunan ay nauwi rin sa hiwalayan.
Ngayong October 5, 2018 ay pumutok ang balitang hiwalay na ang celebrity couple na sina Romnick Sarmenta at Harlene Bautista.
Pagkatapos ng 19 years nilang pagsasama ay tuluyan nang naghiwalay ang mag-asawa.
Sa isang joint statement ay kanilang ibinalita ang kanilang paghihiwalay. "Romnick and I have five beautiful children, whom we love and treasure very much - we have spent many years together as best friends and partners in everything that we have done. Even more so in raising our family. We will always be great friends if not the best of friends."
Pagpapatuloy ng kanilang statement ay ginawa nila ito para hindi na magkaroon ng iba't ibang spekulasyon sa kanilang paghihiwalay. "We would like to appeal for privacy, for our children and for each other as well. Being public figures, we know that this will not go unnoticed--and we didn't want speculations, rumours and gossips to destroy the wonderful memories we share, the peace that we continue to have as best friends. We both decided that it would be best to issue a statement, in an intention to let this be the first and last time that we talk about it."
Sa defunct youth-oriented show ng GMA Network noong '80s na 'That's Entertainment' unang nagkatambal sina Romnick at Harlene. Dito sila unang nagkamabutihan.
Nagkahiwalay muna ang dalawa at nang muli umanong nagkita ay nabuo ulit ang kanilang pagmamahal sa isa't isa.
Naging magkatambal sina Sheryl Cruz at Romnick pagkatapos ng kanilang paghihiwalay noon ni Harlene. Ani Harlene ay nakipaghiwalay siya noong panahong sumisikat palang si Romnick.
Noong una ay hindi umano tanggap ng pamilya ni Harlene si Romnick. Kuwento ni Harlene sa isang panayam, "Nakita kasi nila akong umiyak, e. So, parang nailang din sila nung umpisa. Pero nakita naman ng mga kuya ko na okey naman kay Papa at saka kay Mama. Saka two months na nung sabihin ko kay kuya (Herbert Bautista) na nagpakasal na kami, so hindi niya alam. Twenty-four na ako noon, 25. So, parang hindi na kailangang magpaalam pa.”
Tatlong beses ikinasal sina Romnick at Harlene. 1999 nang ikasal sila sa isang civil wedding ceremony.
Sa church wedding naman ang ikalawa nilang kasal noong 2000.
Taong 2002 sa Las Vegas, Nevada naganap ang renewal of vows nina Romnick at Harlene.
Sina Romnick at Harlene ay nabiyayaan ng limang anak sa kanilang pagsasama. Sina Abijah, Seki, Bo, Merel, at Yuwela.
Noong 2014 sa 'Sarap Diva' ay inilahad nina Romnick at Harlene na madalang na lang silang napapanood sa telebisyon dahil sa pinili nilang magbigay ng oras sa kanilang mga anak. Ani Romnick, "Ayoko kasing ma-miss 'yung paglaki ng mga anak ko. Parang hindi mo 'yun mahahabol e. Iba 'yung experience na nakikita mo na first time tumayo [ang anak mo], first time maglakad, first time magsalita, first time nangulit. Plus, hindi ako makakabawi sa kanila if ever wala ako nung childhood nila. Hindi ko mababawi 'yung relationship 'pag tanda nila."
Bumuo rin ang celebrity couple ng negosyo. Sina Romnick at Harlene ay nagtayo ng isang family restaurant, ang Salu. Sa isang panayam ay sinabi ni Harlene na built from passion ang kanilang negosyo. Aniya, "It's really our passion for food, doon talaga nagsimula."
Noong 2015 ay ibinahagi ni Harlene ang kanilang sikreto sa masayang pagsasama. Aniya, "We married for the right reason.
Hindi kami nagpakasal dahil buntis ako or dahil wala na kaming choice or gusto na lang namin. Nagpakasal kami dahil siya ang gusto kong makasama sa buhay at ganun din siya. After mag-asawa ng lahat ang mga anak namin, gusto pa rin namin na kami ang magkasama.”
Ngayong nagkahiwalay na ang dalawa ay humiling ng privacy sina Romnick at Harlene. Ayon sa kanilang statement, "We request that our individual supporters, friends and family refrain from making comments or issuing statements that may hurt or offend not only ourselves, but most importantly our beloved children."
Humiling din dasal at suporta sina Romnick at Harlene sa publiko sa kanilang paghihiwalay.
"We thank you, for the prayers and support-- and most of all for respecting our wishes. God bless you."