Marami mang bumatikos sa kanilang relasyon noon, pinatunayan nina Aiai Delas Alas at Gerald Sibayan na tunay ang kanilang pagmamahalan.
Maraming pumuna sa halos 30 years age gap nina Aiai at Gerald pero hindi sila nagpadala sa mga mapanghusgang komento.
Tila sanay na si Aiai sa ganitong intriga dahil paboritong kuwestiyunin ng publiko ang kanyang buhay-pag-ibig.
Malayo sa kanyang imahe on-screen bilang Comedy Queen, hindi naging maganda ang kanyang karanasan mula sa kanyang dating mga nakarelasyon.
Ang late theater actor na si Rey Maltezo Dela Cruz ang biological father ng kanyang panganay na si Sancho.
Noong 1989, ikinasal si Aiai sa singer/actor na si Miguel Vera at biniyayaan sila ng dalawang anak na sina Sean at Sophia.
Matapos ang pitong taon, ikinasal naman siya sa businessman na si Jed Salang. Sa loob ng isang buwan, naging biktima ng physical abuse si Aiai mula sa kamay ni Jed kaya minabuti niyang tapusin ang kanilang kasal.
Hindi naging madali ang mga pinagdaanan ng Kapuso star kaya labis niyang pinagpapasalamat sa Panginoon ang pagdating ni Gerald sa kanyang buhay.
Tingnan ang kanilang mga larawan sa gallery na ito:
Ikinasal sina Aiai Delas Alas at Gerald Sibayan noong Decemebr 11, 2017 matapos ang mahigit tatlong taong pagsasama bilang magkasintahan.
Sa kabila ng malaking age gap, tanggap ng apat na anak ni Aiai si Gerald.
Maging ang ina ni Aiai ay boto kay Gerald.
Ayon kay Aiai, blessing mula sa Panginoon niyang maituturing si Gerald.
Very supportive sina Aiai at Gerald sa isa't isa. Malayo sa mundo ng showbiz, sinuportahan ng Comedy Queen ang pangarap ng kanyang asawa na maging piloto.
Nagbunga naman ang kasipagan at dedikasyon ni Gerald dahil matapos ang ilang taong pag-aaral at training ay nakuha na niya ang kanyang private pilot license at grumaduweyt na rin mula sa isang flying school noong March 2020. Sa ngayon ay target ni Gerald na makuha ang kanyang commecial pilot license.
Ayon kay Aiai, hanga siya sa kasipagan ni Gerald at thankful siya dahil lagi nitong prayoridad ang kanilang future.
Sa kabila ng pandemya, patuloy ang pagkayod ng mag-asawa. Sa ngayon ay abala sila sa kanilang food businesses. Ani Aiai, "Sa dami ng nawalan ng trabaho at mga nagsarang kumpanya ay malaking bagay para sa 'min ito .. kahit artista po ako, sa nangyaring pandemya ay hindi pa kami nakakabalik sa normal naming taping or shooting kaya naman mabait talaga ang DIYOS."
Para kay Aiai, pinatatag ang kanilang relasyon ni Gerald dahil sa pananampalataya nila sa Panginoon.
Stay in love, Aiai and Gerald!