Ikinasal na ang 'StarStruck' Season 3 alumna na si Jana Roxas sa aktor at Oriental Mindoro Vice Governor na si Ejay Falcon noong Sabado, March 25 sa Enderun Tent, McKinley Hill, Taguig City.
Isang Christian wedding ang inihanda nina Ejay at Jana, na dinaluhan ng kanilang mga pamilya at malalapit na kaibigan.
Tingnan ang ilan sa wedding photos nina Ejay Falcon at Jana Roxas dito.
Matapos ang pitong taong relasyon, ikinasal na sina Oriental Mindoro Vice Governor Ejay Falcon at 'StarStruck' Season 3 alumna Jana Roxas.
Ginanap ang Christian wedding nina Ejay Falcon at Jana Roxas sa Enderun Tent, McKinley Hill, Taguig City noong March 25.
Idinisenyo ng Filipino designer na si Mak Tumang ang wedding gown ni Jana Roxas.
Ilan sa celebrities na dumalo sa kasal nina Ejay Falcon at Jana Roxas ay sina Jackie Rice, Jake Cuenca, Joseph Marco, at Arjo Atayde.
Dinaluhan ang kasal nina Ejay Falcon at Jana Roxas ng kanilang pamilya at malalapit na kaibigan. Nakasauot ng light blue na dress ang mga abay sa kasal.
Kasama sa mga abay na lalaki nina Ejay Falcon at Jana Roxas sina Jake Cuenca, Joseph Marco, at Aljur Abrenica.
Sa wedding vow ni Ejay Falcon, alam niyang hindi magiging perpekto at marami pang mga pagsubok na darating sa pagsasama nila ni Jana pero aniya, kakayanin nila iyon nang magkasama.
Ayon naman kay Jana, siya ang pinakamasayang babae nang araw na iyon dahil kasama niya ang mga mahal sa buhay at pakakasalan niya ang kanyang "best friend" at "love of my life."
Na-engage sina Ejay Falcon at Jana Roxas noong August 21, 2022. Nag-propose si Ejay kasabay nang pagsalubong sa kaarawan ni Jana.
Congratulations, Mr. and Mrs. Falcon!