Kylie Padilla at Aljur Abrenica, maraming rebelasyon sa 'Jojowain o Totropahin'
Tila napasalang sa hot seat ang mag-asawang sina Kylie Padilla at Aljur Abrenica nang gawin nila ang 'Jojowain o Totropahin' challenge sa kanilang pinakabagong vlog.
Ngayong pinasok na rin nina Kylie at Aljur ang pagba-vlog, nag-iisip daw ang mag-asawa ng iba't ibang content. At para sa kanilang pinakabagong video, naisip nilang tanungin ang isa't isa tungkol sa mga artistang sa tingin nila ay nais nilang maging karelasyon o maging kaibigan lang.
Ayon pa Kylie, “Ang game na 'to may rules. Kunwari single ka, single din 'yung tao. So lilinisin mo lahat 'yun. 'Yun lang 'yung iisipin mo. Walang magseselos, walang magagalit.”
Tila kinabahan naman si Aljur at napasambit ng, “Parang nakakaramdam ako. Parang trap 'to ah.”
Kabilang sa mga lalaking tinanong kung jojowain o totropahin ni Kylie ay sina Benjamin Alves, Rocco Nacino, Martin del Rosario, Kristoffer Martin, Richard Gutierrez, Dennis Trillo, Ruru Madrid, David Licauco at Alden Richards.
Pinaamin naman si Aljur tungkol sa kanyang nararamdaman para kina Ina Raymundo, Solenn Heussaff, Rhian Ramos, Catriona, Jessy Mendiola, Marian Rivera, Kris Bernal, Shaina Magdayao at Michelle Dee.
Dahil sa challenge, binalikan nila ang kanilang childhood crush at pati na real-life relationships kasama ang kapwa celebrities. Nagtanungan din ang mag-asawa tungkol sa ilang international stars.
Matapos kaya nila ang challenge nang hindi nagseselos at nagkakapikunan?
Panoorin dito:
Sina Kylie at Aljur ay ikinasal noong December 2018. Meron na silang dalawang anak, sina Alas at Axl.