Around GMA

Article Inside Page

Ikinuwento ni EA Guzman ang sikreto ng mahigit siyam na taon na ngayong relasyon nila Shaira Diaz.

Sa interview ng GMANetwork.com, sinabi ni EA ang apat na "sikreto" nang matagal na nilang relasyon ni Shaira. Ayon kay EA, ito ay ang "trust, love, communication, at respect."

"Kami ni Shai hindi namin inaalis 'yun kahit gaano kami ka-busy, update-update kami. Para na kaming bestfriend 'yung communication nariyan palagi kahit naka-lock in hindi kami nawawalan ng communication sa isa't isa," kuwento ni EA.

Dagdag niya, "'Yung love, s'ya na e, gusto ko s'ya na so ibibigay ko lahat para sa kanya. 'Yung trust syempre sa trabaho naman namin hindi madali maraming temptation, specially s'ya may mga loveteam s'ya, may mga nakaka-partner s'ya na leading man. So ako naman I trust her, nagtitiwala ako nang malaki sa kanya.

"Isa pa pala, respect. You have to respect each other para tumagal kayo."

Noong Linggo, November 20, pinili ni EA na magkaroon ng intimate celebration para sa kanyang 33rd birthday kung saan nakasama niya ang kanyang pamilya at si Shaira.

"Nineteen nagsalubong kami and then 'yung 20 dinner namin sa bahay kasi the next day may taping ako, ganoon lang 'yung celebration," sabi niya.

Subaybayan si EA sa GMA Afternoon Prime series na Nakarehas Na Puso, Lunes hanggang Biyernes, 4:15 p.m. pagkatapos ng Unica Hija.

TINGNAN ANG SWEETEST MOMENTS NINA EA GUZMAN AT SHAIRA DIAZ DITO: