Mikee Quintos, gustong pumunta ng Korea pagkatapos ng quarantine
Tulad ng nakararami, looking forward din si Kapuso actress Mikee Quintos sa pagtatapos ng mga lockdowns na dulot ng COVID-19.
Isa daw sa mga bagay na nais niyang gawin ang mag-travel patungong ibang bansa.
"Alam kong hindi agad agad ang travel. Baka next year pa nga ata feeling ko babalik ang traveling. Pero sobrang gusto kong mag-Korea lately, siguro kakanood ko ng mga K-drama," pahayag niya sa isang eksklusibong panayam ng GMANetwork.com.
Bukod dito, nais din daw niyang ibalik ang ilang "simple pleasures" tulad ng paglabas para mag-kape.
"(I want to) drink quality coffee in a cafe in some corner and stay quiet. Kahit mag-isa lang ako, I want to chill in a different place, get a different scenery," aniya.
Alamin ang iba pang mga bagay na plano niyang gawin pagkatapos ng quarantine dito:
Sumabak kamakailan si Mikee sa E-date Mo si Idol, isang online dating game show mula sa GMA Artist Center.