'Lovers & Liars' at cast nito, patuloy na umaani ng papuri mula sa manonood
Photo Inside Page
Photos
Patuloy na nakatatanggap ng mga positibong feedback mula sa manonood ang triple-plot drama series na Lovers & Liars.
Mula sa iba't ibang kuwento ng pag-ibig, exciting, nakakakaba, at maiinit nitong mga eksena hanggang sa mahuhusay na cast, marami ang pumupuri sa serye.
Pa-intense na nang pa-intense ang mga eksena sa Lovers & Liars kung saan nagsisimula ng magkaroon ng relasyon sina Via (Claudine Barretto) at Caloy (Yasser Marta). Inamin na rin ni Nika (Shaira Diaz) na may gusto siya kay Caloy.
Samantala, nalaman na ni Kelvin (Kimson Tan) ang pagkakaroon ni Hannah (Lianne Valentin) ng sugar daddy (Christian Vazquez). Inaalam na rin ni Joseph (Rob Gomez) ang katotohanan kung nagkaroon nga ba siya ng anak kay Andrea (Michelle Vito) sa kabila ng pagkakaroon niya ng sikretong relasyon kay Ronnie (Polo Ravales).
Halo-halong emosyon ang nararamdaman ng manonood kung saan ani ng ilan, "namo-move," "napapasigaw," "kinakabahan" at "nasasaktan" sila sa mga eksena sa Lovers & Liars.
