AC Bonifacio reacts to Sassa Gurl's comment during 'Saving Cherry' presscon
Around GMA
Around GMA
Bulacan under state of calamity due to effects of Habagat Sanya Lopez shows her vulnerable and emotional side in new alternative pop single 'Laro' Councilor: Threat vs Cebu City students not trueArticle Inside Page
Showbiz News
Naging usap-usapan ang komento ni Sassa Gurl habang nagsasalita si AC Bonifacio sa presscon ng 'Saving Cherry.' Alamin kung ano iyon dito.
Tila nagkaroon ng iringan ang mga bida ng upcoming movie na Saving Cherry na sina AC Bonifacio at Sassa Gurl. Sa naganap na press conference kasi ng pelikula kamakailan, may sinabi ang naturang content creator habang nagsasalita ang Kapamilya actress.
Sa Fast Talk with Boy Abunda nitong Martes, August 18 kasama ang iba pang miyembro ng P-pop girl group na NIXI, inalala ni King of Talk Boy Abunda ang sinabi ni Sassa.
“The lovely Sassa Gurl ay sinabing 'Walang plastikan sa Kapuso network.' How did you react?” sabi ni Boy.
Sagot ni AC, “Honestly, it was just funny. It was a joke that Sassa just...ganu'n naman po talaga si Sassa, both offline and online, ganu'n lang siya mag-joke, it has no meaning, and I just laughed because it was genuinely just funny in that moment.”
Ani AC, hindi naman kasi nila napag-usapan ang pagiging Kapuso at Kapamilya ng cast dahil nagsama-sama lang sila “as one.” Nilinaw din niyang wala namang ibig sabihin ang sinabi ng naturang content creator.
Pagbabahagi pa ng dancer-actress, nag-apologize na rin naman si Sassa pagkatapos ng press con.
“Actually, right after the event, nag-debrief po kami na 'May nasabi ba tayo?' and we just talked it out. Nag-apologize din siya sa akin and I said, 'You know what, it's okay, it's fine. That's how our friendship is. If people take it differently, it's just how the world works,'” sabi ni AC.
BALIKAN ANG ILAN SA MGA KAPUSO-KAPAMILYA COLLABORATIONS NOONG 2025 SA GALLERY NA ITO:
Bukod kay Sassa, makakasama rin ni AC ang iba pang Kapuso stars tulad nina Barbie Forteza, Mikee Quintos, Khalil Ramos, at Mika Salamanca sa upcoming film. Napapanood din siya sa GMA Afternoon Prime series na Born to Shine.
Pag-amin niya, masaya siyang makatrabaho ang GMA Network at ang Kapuso stars na kasama niya sa serye at sa pelikula.
Sabi ng aktres, “It's nice that we are able to collaborate na po and I've said this before, it's part of history and it's just nice to be part of that history.”
“I think I love to be working with mga Kapuso, I love being here, I love being surrounded by them, and I feel like I'm slowly becoming also part of the family,” sabi ni AC.
Ngunit pag-amin din ng aktres, mananatili pa rin siyang isang Kapamilya.
“At the end of the day po, we're entertaining, and we're just passionate about our craft, and that's what we're doing here,” sabi ni AC.
Panoorin ang panayam kay AC kasama ang NIXI dito:
