Around GMA

Michael Sager earns praise for hosting skills in MMFF Gabi ng Parangal
OVP staff hold breakfast gathering in Manaoag
Remembering icons and notable personalities we lost in 2025

Article Inside Page

Showbiz News

Bakit nga ba gustong sundan ni Alden Richards ang mga yapak nina Dingdong Dantes at Gil Cuerva? Basahin dito:

Handa na raw magtrabaho sa ilalim ng tinaguriang "new normal" si Asia's Multimedia Star Alden Richards.

Sinimulan na niya ito noong nakaraang taon sa lock-in taping ng unang season ng mini-series anthology na I Can See You kung saan nakapareha niya si Jasmine Curtis Smith.

Ngayong 2021, looking forward din daw si Alden na gumawa ng bagong teleserye.

"Marami na rin akong nagawang shows with GMA in terms of characterization. What I'm really looking forward to is to make a K-drama remake for a project like 'yung mga nagawa ng 'Descendants of the Sun' and then 'My Love from the Star,'" kuwento ni Alden sa isang online interview.

Matatandaang umere noong 2020 ang Descendants of the Sun: The Philippine Adaptation na pinagbidahan nina Kapuso Primetime King Dingdong Dantes at Ultimate Star Jennylyn Mercado.

Taong 2017 naman ipinalabas ang Philippine adaptation ng My Love From the Star na naging first television role ng model-turned-actor na si Gil Cuerva.

"Hopefully, soon, I'll be able to do one Korean drama remake para maiba naman. Kasi actually lahat ng ginawa ko lately, since I've started, are all original projects. Sana remake naman after this soap that I'm gonna be doing this year," pahayag ni Alden.

Matutupad na rin ang pangarap na ito ni Alden dahil kumpirmado nang magiging bahagi siya ng upcoming movie na hango sa 2001 Japanese drama na 'Pure Soul.' May Korean adaptation din ito noong 2004 na pinamagatang 'A Moment to Remember.'

Makakapareha ni Alden sa pelikula si Bea Alonzo na minsan na niyang nakatrabaho sa isang shampoo commercial.

Co-produced ng Viva Films, GMA Pictures, at APT Entertainment ang pelikula. Idinaos ang contract signing sa pagitan ng tatlong kumpanya noong March 2 sa Sourdough Cafe sa Quezon City.

"Since it's an adaptation, we agreed to not really watch 'yung Japanese version [at] 'yung Korean version, kasi parang siyempre, kahit papaano naman, kapag may project na ganito, there's always a comparison. What we wanted as actors is to do our take on how we understood the role," pahayag ni Alden.

"I can say na it's a little bit different from the original title but we will make sure that it is going to be a good one," sambit naman ni Bea tungkol sa kanilang pelikula.

Patuloy na bumista sa GMANetwork.com para sa karagdagang mga detalye tungkol kay Alden at sa kanyang bagong pelikula.

Samantala, silipin sa gallery na ito ang dream roles ng ilang pang celebrities: