Around GMA

Article Inside Page

Pinag-usapan online ang pagiging "lover boy" at "yearner" ng karakter ni Alden Richards sa romantic comedy series na Love, Siargao.

Sa isang episode, muling nagkausap sina Jao (Alden Richards) at Allie (Coleen Garcia) sa isang call. Nagmakaawa si Jao kay Allie na pag-usapan pa ang kanilang relasyon, ngunit desidido na si Allie na tapusin ito. Matapos tanggapin ni Jao ang desisyon ni Allie, humiling pa siya na magkita sila sa huling pagkakataon.

Nakalagay sa caption ng Viu para sa naturang eksena, "Pagalingan mag-beg pero kalaban mo si Jao."

Napansin ng netizens ang husay ni Alden sa pagganap, lalo na sa pagiging isang "yearner" ng kanyang karakter sa serye. Marami rin ang nagbiro sa comments section na mas magaling pa silang mag-beg kaysa kay Jao.

Narito ang ilan sa mga reaksyon ng viewers sa karakter ni Alden sa Love, Siargao:

Samantala, nananatili sa No. 1 spot ang Love, Siargao sa Viu Philippines. Nagsimulang ipalabas ang serye noong June 26.

Kasama ni Alden sa serye sina Nadine Lustre, Coleen Garcia, Kim Ji Soo, Kyline Alcantara, AZ Martinez, Vince Maristela, Gab Lagman, Kakki Teodoro, Adrian Lindayag, at Christopher Diwata.

Mapapanood ang mga bagong episode ng Love, Siargao tuwing Biyernes at Sabado, 6 p.m., sa Viu.

RELATED GALLERY: Alden Richards's most swoon-worthy photos