Around GMA

Article Inside Page

Nominado ang ilang Kapuso stars, kabilang na sina Asia's Multimedia Star Alden Richards at First Lady of Primetime Sanya Lopez, at shows sa 7th Gawad Lasallianeta awards.

November 26 inanunsyo ng Gawad Lasallianeta ang mga nominadong personalidad na itinuturing nilang most outstanding media communicators sa bansa.

Pipiliin ng buong De Lasalle Araneta University ang mga mananalo base sa kung gaano kalaki ang impuwensiya nila bilang top communicators at role models sa buong Lasallian community.

Nominado ang GMA Network bilang Most Outstanding Media Entertainment Producer.

Kabilang sa mga nominado si Asia's Multimedia Star Alden Richards bilang Most Influential Celebrity of the year kung saan makakalaban niya sina Marian Rivera, Vice Ganda, Heart Evangelista, at Stell ng SB19; at Most Oustanding Actor in a Drama Series para sa kanyang pagganap sa historical series na Pulang Araw. Makakalaban naman ni Alden sa Most Outstanding Actor in a Drama series si David Licauco para sa parehong serye, at Ruru Madrid para naman sa Black Rider.

Nominado rin ang kaniyang co-star at First Lady of Primetime na si Sanya Lopez at Kapuso Primetime Princess Barbie Forteza para naman sa Most Outstanding Actress in a Drama Series para sa parehong serye. Makakalaban nila dito si Carla Abellana at Bea Alonzo para sa Widows' War, at Jo Berry para sa Lilet Matias: Attorney-at-Law.

Nabigyan din ng nominasyon sina Sienna Stevens bilang Most Outstanding Child Star para sa Royal Blood, Raphael Landicho para sa Voltes V: Legacy, at Euwenn Mikael para sa FireFly.

Nominado naman ang Pulang Araw, at Black Rider bilang Most Outstanding Teleserye.

Nabigyan din ng nominasyon sina Alden Richards at Paolo Contis para sa Most Outstanding Film Actor Award. Si Alden Richards para sa Hello, Love, Again, at si Paolo naman para sa kaniyang pelikulang A Journey. Meron ding natanggap na nominasyon si Primetime King Dingdong Dantes para naman sa pelikulang 'Rewind.'

Nabigyan rin ng nominasyon si Dingdong bilang Most Outstanding Competition Show host para sa Family Feud at The Voice Kids. Makakalaban rin niya dito si Rayver Cruz at Julie Anne San Jose para sa The Clash.

Samantala, nominado naman bilang Most Outstanding Film Actress si Marian Rivera para naman sa pelikulang Balota. Nabigyan rin ng nominasyon si Beauty Gonzalez para sa parehong award para naman sa pelikula niyang Outside.

Nominado bilang Most Outstanding Filipino Film ang mga pelikulang Hello, Love, Again, Firefly, A Journey, Marian Rivera starrer na Rewind at Balota, at ang pelikulang pinagbibidahan ni Euwenn Mikaell na Lolo and the Kid.

Nabiyayaan rin ng nominasyon bilang Most Outstanding Talk Show ang Fast Talk with Boy Abunda, at ang host nitong si Boy Abunda bilang Most Outstanding Talk Show Host.

Nominated naman bilang Most Outstanding Competition or Reality Show ang Family Feud, ang season 2 ng Running Man Philippines, The Voice Kids, at The Clash 2024.

Nominado rin sina Pokwang, Kim Atienza,Anne Curtis, at Vice Ganda bilang Most Outstanding Variety Show Host, samantalang nominado rin ang TiktoClock, All-Out Sundays, at It's Showtime bilang Most Outstanding Variety Show.

Isa rin si Michael V sa mga nominado bilang Most Outstanding Comedy Artist, kasama sina Boobay at Tekla, habang Most Outstanding Comedy Show naman ang Bubble Gang, at The Boobay and Tekla Show.

BALIKAN ANG CELEBRITIES NA NAKATANGGAP NG INTERNATIONAL AWARDS SA GALLERY NA ITO:

Nominado rin para sa dalawang award si Benedict Cua; bilang Most Outstanding Digital Media Influencer, at bilang Most Outstanding Vlogger.

Samantala, bilang Most Influential Livestreamer naman ang nomination na natanggap ni Myrtle Sarrosa at former iBilib host Alodia Gosiengfiao.

Most Outstanding Podcaster naman si Howie Severino para sa kaniyang podcast na The Howie Severino Podcast, at dating Kapuso host na si Joyce Pring para sa podcast na Adulting with Joyce Pring.

Isa rin si Global Fashion Icon Heart Evangelista sa mga nominado, para naman sa Most Outstanding Brand Endorser Award. Kasama rin niya sa mga nominado sa naturang kategorya si Primetime Queen Marian Rivera.

Nominado rin ang P-Pop boy group na SB19 bilang Most Outstanding OPM Artist.

Nabigyan rin ng nominasyon ang Barangay LS97.1 bilang Most Outstanding FM Radio Station, at ang mga DJs nito bilang Most Outstanding Female FM DJ sina DJ Lady Garcia at Mama Emma, at Most Outstanding Male DJ naman si DJ Papa Dudut.